web counter
LEXO PA REKLAMA!

SHKARKO APP

App Store
Google Play

Rindërtimi/ Teliti: Kemi kërkuar informacion në çdo mbledhje të këshillit bashkiak, por na mohohet

17 Gusht 2025, 13:24, Politikë CNA

Rindërtimi/ Teliti: Kemi kërkuar informacion në çdo

Nënkryetari i Këshillit Bashkiak të Tiranës, Dorjan Teliti në një intervistë për Syri Tv është ndalur sërish te procesi i rindërtimit në kryeqytet.

Teliti tha se pas 6 vitesh, procesi i rindërtimit është ende i papërfunduar dhe do të duhen dhe 5-6 vite të tjera që të përfundojë ky proces.

Situatën e rindërtimit, Teliti e quajti të papranuedshme dhe skandaloze.

Teliti tha se në çdo mbledhje të këshillit bashkiak është kërkuar informacion për rindërtimin, gjë e cila u është mohuar.

“Ndërkohë ku jemi sot pas gjashtë vitesh? Ne jemi sot pas gjashtë vitesh ku ky proces akoma nuk ka mbaruar, përkundrazi jemi në mes të këtij procesi dhe sipas informacioneve që kemi marrë për procesin e rindërtimit në përgjithësi, me këto ritme që jemi, do të duhen akoma 5-6 vite të tjera për ta përmbyllur procesin e rindërtimit. Pra kemi një eficencë menaxheriale ngelëse në klasë, ku paratë merren dhe… Dhe vitin e kaluar konkretisht, vitin 2024, se tashmë janë bërë publike të dhënat zyrtare mbi ecurinë, që është publikuar edhe nga Kontrolli i Lartë i Shtetit edhe nga Ministria e Financave, ku vitin e kaluar vetëm në Tiranë ishin alokuar 53 milionë euro për procesin e rindërtimit dhe ishte përdorur vetëm 49% e saj. Pra jemi në një situatë e cila absolutisht është skandaloze, jemi në një situatë e cila është e papranueshme. Jemi në një situatë në të cilin ne shohim procesin e rindërtimit i cili zvarritet dhe ndonëse kemi kërkuar informacion në çdo mbledhje të Këshillit Bashkiak, ky informacion neve praktikisht na mohohet sepse justifikohet tashmë me faktin se nuk ka një ecuri pozitive, përkundrazi ka një ecuri tejet negative”, tha Teliti./ CNA





Lajmet e fundit nga