web counter
LEXO PA REKLAMA!

SHKARKO APP

App Store
Google Play

Zjarret në vend/ Rama: Inventarizim i plotë i dëmeve, kompensim një më një për familjet

14 Gusht 2025, 15:45, Politikë CNA

Zjarret në vend/ Rama: Inventarizim i plotë i dëmeve, kompensim

Kryeministri Edi Rama ka zhvilluar këtë të enjte një komunikim live në rrjetet sociale me qytetarët lidhur me situatën e zjarreve në disa zona të vendit.

Rama vuri theksin te rastet e familjeve që kanë humbur shtëpitë nga flakët, teksa u shpreh se do të kryhet një inventarizim i plotë i dëmve ga autoritetet përkatëse, bazuar edhe në protokollin e situatës.

Rama tha se hapi i radhës do të jetë dhënia e dëmshpërblimeve dhe kompensime për pronën e bagëtitë e humbura.

“Në radhë të parë, dua që t'ju shpreh ngushëllim kujt humbi të afërmin e vet dhe t'u shpreh të gjithë solidaritetin atyre familjeve që faktikisht kanë humbur shtëpinë nga zjarri. Tani që flasim, janë 207 shtëpi të dëmtuara, të prekura nga zjarri, por në këtë numër hyjnë 40 familje deri tani, të cilat faktikisht e kanë humbur shtëpinë plotësisht.

Dua t'i siguroj të gjithë, qoftë familjet që kanë humbur shtëpinë plotësisht, qoftë familjet që kanë pësuar dëmtime në shtëpinë e tyre nga zjarri se ne po bëjmë sipas protokollit të situatës dhe me autoritetet përkatëse, inventarizimin e plotë të këtyre dëmeve dhe pa diskutim, që siç ka ndodhur në të shkuarën, do të ndodhë përsëri.

Askush nuk do të jetë vetëm dhe askush nuk do të mbetet pa e parë në krah qeverinë, pa e pasur në krah shtetin, për t'u rikthyer në një shtëpi më të mirë dhe më të fortë ashtu sikundër dhe për të marrë dëmshpërblimet përkatëse, edhe për krerët e humbur. Deri tani numërohen 3619 krerë të humbur. Do të kompensohen një për një pa asnjë diskutim, ndërkohë që inventarizimi i tyre vazhdon”,-tha Rama./CNA





Lajmet e fundit nga