web counter
LEXO PA REKLAMA!

SHKARKO APP

App Store
Google Play

“Këtu ka dështuar shteti’/ Shehu: Raste korrupsioni e parregullsie në Këlcyrë, Tepelenë e Gjirokastër

13 Gusht 2025, 19:18, Politikë CNA

“Këtu ka dështuar shteti’/ Shehu: Raste korrupsioni e

Deputeti demokrat, Tritan Shehu ka hedhur sot akuza për dështimin e institucioneve, referuar edhe situatës së zjarreve.

Në një intervistë në ‘Syri TV’, Shehu përmendi edhe disa raste korrupsioni në Këlcyrë, Memaliaj, në Tepelenë e Gjirokastër.

Shehu deklaroi se ka një kolaps të plotë të institucioneve shtetërore.

“Nuk është se kanë dështuar vetëm bashkitë. Këtu ka dështuar shteti. Këtu kanë dështuar institucionet sociale, institucionet qendrore dhe lokale. Këtu kemi një dështim dhe një kolaps të plotë në institucionet shtetërore, siç kemi dështim në shëndetësi, siç kemi dështim në arsim, siç kemi dështim në ujësjellësit. Kemi dështim kudo, edhe në mbrojtjen kundër zjarrit. Dhe ky është një dëshmi e qartë e situatës së dështimit të shtetit.

Ashtu si Këlcyra ku janë harxhuar mbi 3 milionë euro për një ujësjellës dhe një rezervuar për depo uji, është pa ujë. Pse? Sepse paratë janë zhdukur nga korrupsioni.

Ashtu si rrymat e energjisë elektrike në Memaliaj, në Tepelenë, në Gjirokastër në zonat rurale, kudo... Janë të viteve 70 dhe mjafton të fryjë një erë dhe të bien dy pika shi dhe e gjithë zona mbet pa drita, ashtu siç dështoi kësaj radhe mbrojtja kundër zjarrit apo lufta me zjarrin.

Pra, kemi një dështim të plotë të shtetit, nuk kemi vetëm një dështim të pushtetit lokal. Është një dështim i shtetit në tërësi. Këtu ka dështuar shteti, që nga qendra deri në periferitë e tij, deri në fushat lokale të tij”,-tha Shehu./CNA





Lajmet e fundit nga