web counter
LEXO PA REKLAMA!

SHKARKO APP

App Store
Google Play

E fundit!

x

“I bëjnë llogaritë pa hanxhinë”/ Rama: Avionët për zjarret nuk janë një fjalë goje

14 Gusht 2025, 15:57, Politikë CNA

“I bëjnë llogaritë pa hanxhinë”/ Rama:

Kryeministri Edi Rama deklaroi sot se situata me zjarret do të kishte qenë ndryshe nëse vendi do të kishte avionët e vet, por kjo ka një kosto.

Përmes një komunikimi me qytetarët në rrjetet sociale, Rama u shpreh se ata që diskutojnë për avionët zjarrfikës duhet t'u rikthehen llogarive për të kuptuar shumën që kërkon ky shpenzim.

“Tani, pa diskutim, që po të kishim vetë avionët tanë, do të ishte akoma më mirë. Askush nuk e mohon këtë. Por kush i bën llogaritë pa hanxhinë, duhet t'u rikthehet pak llogarive për të kuptuar se avionët nuk janë një fjalë goje. Ka dhe diçka tjetër këtu, se disa pa mendje ose nga dëshira për ta besuar, kanë ngrënë edhe broçkullën e madhe që unë, qeveria, paskemi blerë avionë për vete. Nuk ka asnjë avion të blerë për vete dhe e përsëris, avioni i shumëpërfolur i përdorur nga unë vetëm për udhëtimet zyrtare, vetëm për udhëtimet zyrtare, sepse në çdo udhëtim tjetër privat, unë marr avionët e linjës dhe jam rregullisht bashkë me familjen në ekonomik. Gjithmonë! Këtë e dëshmojnë të gjitha biletat e deklaruara dhe që janë lehtësisht të verifikueshme. Pra avioni i përdorur për udhëtimet zyrtare nuk i ka kushtuar dhe nuk i kushton shtetit shqiptar më shumë sesa shumatorja e shpenzimeve mesatare të kryera çdo vit nga kryeministri i Shqipërisë, përfshirë këtu te mesatarja dhe me nder jush paraardhësin tim. Më falni për shprehjen, por nuk mundem ta them ndryshe”,-tha Rama./CNA





Lajmet e fundit nga