web counter
LEXO PA REKLAMA!

SHKARKO APP

App Store
Google Play

GJKKO e la në burg/ Meta sulmon gjyqtarin

16 Gusht 2025, 14:21, Politikë CNA

GJKKO e la në burg/ Meta sulmon gjyqtarin

GJKKO pak ditë më parë rrëzoi kërkesën për liri të kreut të PL-së, Ilir Meta.

Në një intervistë për "Syri.net", Meta është shprehur se nuk ka mbetur i zhgënjyer nga ky vendim, ndërsa ka sulmuar dhe gjyqtarin që dha vendimin.

Pyetje: A jeni i zhgënjyer me këtë vendim?

Ilir Meta: Aspak. Nëse gjyqtari në fjalë do të kishte ndërgjegje profesionale dhe të ishte i pavarur do të duhej të mbante një qëndrim të arsyeshëm e të qartë ndaj rrëmbimit tim të paligjshëm, që në 23 tetor 2024, por ai vetëm e noterizoi.

Dikur thoshin i zgjedhin komisarët. Tani mund të themi, i zgjedhin gjyqtarët (noterët).

Pyetje: Por ishte vetë avokati juaj z. Cakrani që e kërkoi këtë gjyqtar, duke i kërkuar gjyqtarit Bano të shpallte moskompetencën?

Ilir Meta: Avokat Cakrani ka besimin tim të plotë në gjithë qëndrimet e tij pasi ai është një njohës i shkëlqyer i ligjit dhe i procedurave.

Padyshim që vendimi i tij ka qenë shumë i drejtë pasi kjo kërkesë nuk mund të gjykohej nga një gjyqtar që nuk ka pasur dijeni për dosjen, e cila është shumë voluminoze, edhe pse ka zero fakt apo provë penale kundër meje.

Po kështu edhe SPAK-u nuk mund të përfaqësohej nga një prokuror që nuk ka asnjë lidhje me hetimet.

Ne jemi shumë të qartë se në çfarë terreni po ballafaqohemi me mafian në pushtet që ka kapur prej kohësh të gjithë sistemin e hetimit me zgjedhjen antikushtetuese të Prokurores së Përgjithshme me 69 vota dhe Gjykatat me gjykatës që betoheshin te noterja te Lana dhe ligjin që përgjon gjyqtarët pa vendim.

Mos e harroni manifestimin madhështor të 2 marsit 2020 se përse u thirr nga unë si President i Republikës.

Pikërisht për të kundërshtuar kapjen mafioze të Gjykatës Kushtetuese dhe sistemit gjyqësor nga Edi Rama dhe McGonigal-ët e tij.

Ne jemi shumë të bindur se “standardet” e rrëmbimit janë fytyra e vërtetë e gjithë kësaj farse hetimore, gjyqësore, të urdhëruar dhe komanduar nga Edi Rama.

Natyrisht që këtu përfshihen edhe “standardet” e paraburgimit dhe dënimet e posaçme dhe qesharake./ CNA





Lajmet e fundit nga