web counter
LEXO PA REKLAMA!

SHKARKO APP

App Store
Google Play

“Respektoni pavarësinë dhe integritetin profesional të prokurorëve”/ KLP reagon për deklaratën e Ramës

12 Shkurt 2025, 16:15, Politikë CNA

“Respektoni pavarësinë dhe integritetin profesional të

Këshilli i Lartë i Prokurorisë ka reaguar sot ndaj deklaratave të kryeministrit Edi Rama për gjyqtarin e çështjes së arrestimit të kryebashkiakut Erion Veliaj, dhe deklaratës së Sali Berishës kundër Drejtësisë dhe veçanërisht SPAK dhe Dumanit.

KLP ka riktheksuar mbështetjen ndaj institucionit të prokurorisë për ushtruar funksionet e tij në mënyrë të pavarur, të paanshme dhe në përputhje me ligjin.

Përmes një deklarate, KLP kërkon nga të gjithë aktorët që të respektojnë pavarësinë dhe integritetin profesional të prokurorëve, duke siguruar që ata të ushtrojnë funksionet e tyre pa ndikime të jashtme në funksion të dhënies së drejtësisë.

“Në vijim të qëndrimeve të mëparshme për garantimin e pavarësisë së prokurorëve, Këshilli i Lartë i Prokurorisë rithekson mbështetjen ndaj institucionit të prokurorisë, për ushtruar funksionet e tij në mënyrë të pavarur, të paanshme dhe në përputhje me ligjin. 

Ruajtja e këtyre parimeve është thelbësore për funksionimin e drejtësisë dhe forcimin e shtetit të së drejtës.

Këshilli kërkon nga të gjithë aktorët që të respektojnë pavarësinë dhe integritetin profesional të prokurorëve, duke siguruar që ata të ushtrojnë funksionet e tyre pa ndikime të jashtme në funksion të dhënies së drejtësisë.

Pavarësia e prokurorisë është një gur themeli për besimin e qytetarëve tek institucionet e drejtësisë dhe për garantimin e një sistemi ligjor të drejtë e transparent”, thuhet në deklaratën e KLP-së./CNA

 

 

 





Lajmet e fundit nga