web counter
LEXO PA REKLAMA!

SHKARKO APP

App Store
Google Play

Reagimet e Ramës/ "Kërcen prifti nga belaja", Paloka: Është në hall të madh

8 Qershor 2026, 15:49, Politikë CNA

Reagimet e Ramës/ "Kërcen prifti nga belaja", Paloka:

Deputeti i Partisë Demokratike, Edi Paloka, në një dalje televizive ka folur për protestat e fundit ndaj qeverisë dhe reagimet e kryeministrit Rama.

Paloka tha se me reagimet e bëra, Rama tregon që është një njeri i stresuar dhe po e shfaq hapur këtë aspekt.

Demokrati shprehet se referuar reagimeve të kryeministrit duket qartë që ai është në vështirësi të madhe dhe i është ngushtuar laku.

 

“Jo, jo, ai është i stresuar. Domethënë, duket, kush e njeh psikologjinë e njeriut në përgjithësi, po edhe kush e njeh Ramën, e tregon... unë nuk mendoja në fakt që ai do ta tregonte kaq hapur, do shfaqej kaq hapur, por nuk është vetëm ky moment. Janë ato përdredhjet që ne kemi një shprehje, thotë 'kërcen prifti nga belaja', dhe ai dihet po kërcen nga belaja që imiton blogerët e ku di unë se çfarë. Po ka disa momente që e tregojnë që ai është i stresuar, domethënë nuk po e kalon me qetësi, dhe kam përshtypjen nuk është e thjeshtë... protesta, sepse janë shumë faktorë. Protesta është një nga elementët, një nga momentet që ia kanë mbledhur lakun Ramës. Të jemi të qartë për këtë. Kush është vëzhgues jo shumë i hollë, s'ka nevojë të jetë shumë i hollë, po kush e njeh politikën dhe kush është vëzhgues i politikës qoftë vetëm shqiptare, e kupton që Rama është në hall të madh. Dhe këto sjellje ia shpërthejnë atë gjenin e të çmendurit, e bëjnë që të dalë në këtë rol që në fakt thashë është origjinali Rama”, tha Paloka.





Lajmet e fundit nga