web counter
LEXO PA REKLAMA!

SHKARKO APP

App Store
Google Play

Protestat kundër qeverisë/ Hasimja: Rama nuk është i qetë, qytetarët e sulmojnë me argumente

8 Qershor 2026, 15:41, Politikë CNA

Protestat kundër qeverisë/ Hasimja: Rama nuk është i

Politologu Ermal Hasimja komentoi sot protestat e ditëve të fundit të zhvilluara në vend dhe reagimet e shumta.

Në një studio televizive, Hasimja tha se kryeministri Edi Rama nuk është i qetë në rolin e tij prej këtyre kundërshtive qytetare, me të cilat po haset prej ditësh.

Sipas politologut, ndryshe nga “oferta” e Ramës për t’i bindur, protestuesit nuk kanë nevojë për këtë zgjidhje, pasi kanë një sërë arsyesh për ta sulmuar.

Hasimja shtoi se Rama është përballur me iluzionin e rrezikshëm të duartrokitjeve nga njerëzve që e votojnë, prandaj edhe protestat e fundit i kanë nxjerrë në pah perceptimin e gabuar që ka ndaj vetes.

“Fakti që Rama ka kaluar në një moment në shprehjet e 'showman'-it tregon se nuk është i qetë në rolin e tij si kryeministër. Nga ana tjetër ideja që ka Rama për dialogun 'hajde të ulemi dhe t’ju bind'. Por ata njerëz në shesh nuk kanë nevojë të binden se i kanë të qarta argumentet. Plus nuk janë aty vetëm për flamingot, por për 100 arsye të tjera pavarësisht se arsyeja kryesore ishte çështja e mjedisit. Këta njerëz nuk ka se si t’i bindë Rama, pavarësisht talentit që mund të ketë ai. Rama ka një perceptim të gabuar në vetvete. Liderët kur shkojnë në një mjedis të mbushur me njerëz që e votojnë, shikon duartrokitjet, adhurimin dhe të krijohet iluzioni se të gjithë qytetarët janë dakord me ty. Është iluzion i rrezikshëm. Është në këtë iluzion dhe kur nuk futet në rolin e duartrokitësit e shikon si objekt talljeje dhe si armik. Problem lidershipi. Kryeministri mund të konsultohej me organizatat në protestë që e kanë ngritur zërin përpara. Edhe kur bëri ndryshimet ligjore”,-u shpreh Hasimja./CNA

 

 

 

 





Lajmet e fundit nga