web counter
LEXO PA REKLAMA!

SHKARKO APP

App Store
Google Play

Mundësia e dorëheqjes/ Juristi: Në rast zgjedhjesh të parakohshme, Rama mund të luajë bllofin

6 Qershor 2026, 21:35, Politikë CNA

Mundësia e dorëheqjes/ Juristi: Në rast zgjedhjesh të

Juristi Kreshnik Spahiu ka ndarë sot një paralajmërim mbi një zhvillim të lidhur me ngjarjet e fundit politike në vend.

Siç shprehet Spahiu përmes një postimi në rrjetet sociale, nëse kryeministri Edi Rama jep dorëheqjen, zgjedhjet duhet të thirren brenda 45 ditësh, pra më 20 korrik.

Mirëpo sipas Spahiut, çështja nuk është kaq e thjeshtë. Kjo pasi bazuar në ligj, partive të reja u duhen 3 muaj kohë që të regjistriohen, duke lënë në garë vetëm dy partitë e mëdha.

“Nëse Edi Rama jep sot dorëheqjen, sipas Kushtetutës, neni 65/3, zgjedhjet duhet të thirren brenda 45 ditësh, pra më 20 korrik.

Sipas ligjit, në zgjedhje regjistrohen partitë ekzistuese.

Një parti e re kërkon të paktën 3 muaj për t’u regjistruar.

Mos u habisni nëse Rama luan bllofin, duke i gjetur të gjitha palët të papërgatitura.

Në kutitë e votimit do të keni sërish vetëm dy opsione: PD dhe PS.

Miqësisht, po ua kujtoj atyre që nuk njohin as ligjin dhe as politikën.

Nëse kjo valë protestash nuk shndërrohet në një mega-parti gjigante kundër PD-së dhe PS-së, por shuhet si te çështja e “armëve kimike” apo mbetet vetëm për “pelikanin”, atëherë do t’ju duhen edhe 20 vjet, por ky moment nuk do t’ju vijë.

Një këshillë shumë e vlefshme për disa miq të mi, të cilëve po ua dëgjoja fjalimet në shesh:

Bëni kujdes nga zgjedhjet e parakohshme, sepse mund të forconi edhe më shumë atë që duam ti shohim në burg”,shkruan Spahiu./CNA





Lajmet e fundit nga