web counter
LEXO PA REKLAMA!

SHKARKO APP

App Store
Google Play

"Ata të tjerët të rrinë në rrugë deri në 2029"/ Rama me banorët e Zvërnecit: Sapo të jetë gati projekti do të vijë te ju, jo në Tiranë

5 Qershor 2026, 19:21, Politikë CNA

Kryeministri Edi Rama ka theksuar në takimin me banorët e Zvërnecit se një investim i përmasave të tilla nuk do të lejohet që të ikë. Kjo sepse sipas tij, ikja e një investitori të huaj ndikon te turizmi për 20 vjet mbrapa.

Rama u shpreh po ashtu se sapo projekti të jetë gati, do të prezantohet se pari me banorët e Zvërnecit.

Ndër të tjera shtoi se me protestuesit nuk ka kërkuar negociata pasi sipas tij nuk ka asgjë për çfarë të negociohet. Rama u shpreh se protest e zhvilluara në Tiranë janë tërësisht politike.

“Ikja e një investimi nga Shqipëria në vitin 2009-2010 vendosi se çfarë ndodhi me turizmin në 20 vjet. Ky investim nuk ikën nga Shqipëria sat ë jem unë këtu. Po të iki nga Shqipëria i bie të kthejmë përmbys diçka që kemi investuar kaq vite. 

Dalin ata atje me 5 kushte, e para jep dorëheqjen, po si ti plotësoj katër tjerat po dhashë dorëheqjen. Nuk kam kërkuar kurrë negociata për këtë gjë. Në të gjithë procesin kemi qenë shumë striktë.

Në momentin që do jetë gati projekti, projekti do të vijë jo në Tiranë por tek ju. Ata që janë në rrugë atje të rrinë deri në 2029. Edhe të futen në zgjedhje ta masin sesa ju kushton lëkura politike. Se ajo është e gjitha politikë nuk ka lidhje me mjedisin. Shqipëria e shqiptarëve, është parullë e turpshme”, tha Rama. /CNA





Lajmet e fundit nga