web counter
LEXO PA REKLAMA!

SHKARKO APP

App Store
Google Play

Interpelanca/ Hoxha ironizon Kaprin: Ministria e Jashtme nuk merret me pronat, vetëm po të bëhet nesër

4 Qershor 2026, 15:03, Politikë CNA

Ministri për Europën dhe Punët e Jashtme, Ferit Hoxha, dhe deputeti i Partisë Mundësia, Erald Kapri, kanë zhvilluar interpelancë në seancën e sotme plenare.

Hoxha tha se ai kishte pranuar interpelancën për të folur për planin e rritjes pasi Ministria e Jashtme nuk mund të flasë për pronat.

Ministri u shpreh se qeveria ashtu siç është angazhuar për të mbyllur kapitujt ashtu është angazhuar edhe për të bërë implementimin e reformës së agjendave.

Këto, tha ministri, janë mundësi për modernizimin e vendit. Më tej, në përgjgen e tij ndaj Kaprit, Hoxha tha se përgjegjshmëria e qeverisë në procesin e integrimit është të ruajë rritjen e reformave dhe besueshmërinë e Shqipërisë.

“Unë kam ardhur të flas për planin e rritjes. Ministria e Jashtme nuk merret me pronat, vetëm po të bëhet nesër, se deri tani nuk është marrë ndonjëherë, s’ka pse të përgjigjet për pronat. Po t’i kishit lexuar qartë dokumentet e BE-së do ta dinit. Nuk merret Ministria e Jashtme me planin e rritjes, por unë jam i gatshëm t’i përgjigjem interesit tuaj.

Siç jemi angazhuar për të mbyllur kapitujt jemi angazhuar edhe për të bërë implementimin e reformës së agjendave, si mundësi reale për të modernizuar vendin. Në procesin e integrimit, përgjegjshmëria jonë është të ruajmë rritjen e reformave dhe besueshmërinë e Shqipërisë”, tha Hoxha.





Lajmet e fundit nga