web counter
LEXO PA REKLAMA!

SHKARKO APP

App Store
Google Play

"Diçka e stisur në mënyrë djallëzore"/ Rama: Kjo është përpjekje e armiqve për të na bërë gropën

5 Qershor 2026, 19:14, Politikë CNA

"Diçka e stisur në mënyrë djallëzore"/

Kryeministri Edi Rama, në takimin me banorët e Zvërnecit, u shpreh se zhvillimet dhe protestat e ditëve të fundit janë diçka e stisur.

Rama tha se kjo gjë ka marrë përmasa botërore, ndërsa u shpreh se pas gjithë kësaj qëndrojnë armiq të Shqipërisë, një ndër të cilët, sipas tij është Irani.

Ai u shpreh se Irani e ka shfrytëzuar këtë moment për të goditur një shoqëri që punon për anëtarësimin në Bashkimi Evropian.

“E dija shumë mirë që ata që e pretendojnë realisht pronën nuk janë në ato zhurma. Kjo është diçka e stisur në mënyrë shumë djallëzore. Kemi një sistem të mbrojtjes nga sulmet e faktorëve të tjerë kundër nesh. Vetëm ditën e parë kur ka shpërthyer kjo gjë, ka pasur pesë herë më shumë përdorues të rrjeteve sociale që lidheshin me Shqipërinë sesa në vitet e fundit. Ishte një skandal i vërtetë rrethimi në atë formë me ato tela sipër. Me atë gardh dhe me rrjetën me tela është bërë me Inteligjencë Artificiale një imazh ku shkruhej "Kufiri izraelit". Janë hedhur narrativa se këtu do të vijnë palestinezët.

Kjo gjë ka marrë përmasa botërore dhe është shumë e thjeshtë për t’u kuptuar pse Irani ka interes për këtë narrativë dhe pse kjo narrativë fillon duke shkatërruar një nga pikat më të forta të reputacionit të shqiptarëve në botë: mënyrën se si myslimanët shqiptarë, bashkë me të krishterët, shpëtuan hebrenjtë.

Kjo është përpjekje për të na bërë gropën. Ky është një sulm që po bëhet nga armiq të Shqipërisë. Irani e ka shfrytëzuar këtë moment. Janë një sërë raportesh që tregojnë se vende të mëdha që janë kundër BE-së dhe që janë të interesuara të godasin shoqëritë e vendeve që duan të futen në BE, e kanë strategji të përdorin çështjet mjedisore, sepse ato krijojnë rrëmujë. E treta, kemi hyrë në një territor ku konkurrenca është e pamëshirshme”, u shpreh Rama. /CNA.





Lajmet e fundit nga