web counter
LEXO PA REKLAMA!

SHKARKO APP

App Store
Google Play

“Budallallëku na ka lënë 100 vite pas”/ Rama: 2 vëllezërit që investojnë në Zvërnec, projekte edhe në ishullin e Katarit

6 Qershor 2026, 15:14, Politikë CNA

“Budallallëku na ka lënë 100 vite pas”/ Rama: 2

Kryeministri Edi Rama ka reaguar sërish këtë të shtunë lidhur me çështjen e Zvërnecit.

Përmes një postimi në rrjetet sociale, Rama ka ndarë detaje dhe pamje të një projekti në një ishull të Katarit.

Rama shprehet se në ishull është punuar një projekt nga dy vëllezër që janë pronarë të një konglomerati ndërtimi, të njëjtët që kanë bashkëinvestuar edhe në projektin e Zvërnecit.

“Ky ishull është në Katar dhe është një ndër destinacionet më të vizituara turistike të Lindjes së Mesme, i cili administrohet nga brandi prestigjoz Anantara.

E dini kush e ka zhvilluar?

Dy vëllezërit Alkhayatt, pikërisht bashkëpronarët e konglomeratit Poëer Holding, blerësit e tokës private dhe bashkëinvestitorët e projektit të Zvërnecit!

Tani kujt ia ha mendja se një kompani si Power Holding, vjen në Shqipëri të shkatërrojë reputacionin e vet me budallallëqet që thuhen për projektin, nuk kemi ç’i bëjmë. Po budallallëku që e ka lënë këtë vend mbrapa bote 100 vite, nuk ka për ta marrë dot peng Shqipërinë Europiane dhe Turistike

* Power International Holding është një konglomerat nga Katari me më shumë se 400 kompani, të organizuara në gjashtë sektorë kryesorë të ekonomisë, me një portofol të vlerësuar afërsisht 40 miliardë dollarë. Ka më shumë se 65,000 të punësuar dhe operon në 25 vende të botës”,-shkruan Rama./CNA  





Lajmet e fundit nga