web counter
LEXO PA REKLAMA!

SHKARKO APP

App Store
Google Play

“Shënim për ata që kujtojnë se ka mbetur ambientalizëm në protestë”/ Rama i përgjigjet komentuesve

7 Qershor 2026, 21:41, Politikë CNA

“Shënim për ata që kujtojnë se ka mbetur

Kryeministri Edi Rama i është përgjigjur komentuesve përmes një postimi në rrjetet sociale lidhur me deklaratat e tij në aktivitetin e zhvilluar në Elbasan për 35 vjetorin e PS-së.

Në reagimin e tij, Rama shkruan se ku protestuesit mblidhen në bulevard është “Shqipëria e re” ndërsa kur mblidhen njerëzit diku tjetër duhet të shahen dhe ofendohen nëpër platforma të rrjeteve sociale.

Më tej thekson përsëri se projektet e Zvërnecit dhe Sazanit nuk do të ndalen, por sipas tij do të bëhen motorët e një ekonomie të denjë për një vend të Bashkimit Europian.

Postimi i plotë:

SHËNIM I DETYRUAR

Pra kur mblidheni ju me Rrethin Katror, e me blogerë e influencera që vijnë në bulevard për të marrë follouersa e llajke mbi tribunë, e me lloj-lloj qorrallapajsh rrotull dhe luftoni me tradhëtarë imagjinarë, kundër projektesh imagjinare, për të mbrojtur natyrën nga shkatërrimi imagjinar e për të shpëtuar flamingot nga vdekja imagjinare, kjo është “Shqipëria e Re”, “Shqipëria e Shqiptarëve”, “Shqipëria që nuk shitet”, ndërsa kur mblidhen të tjerët ju i jepni vetes të drejtën t’i shani, ofendoni, pështyni, siç bëni me të tërë ata që marrin kurajon të shprehin ndonjë  mendim ndryshe në faqet e tyre dhe duhet të marrin mbrapsht furinë e gjuhës më anti-ambientaliste të mundshme.

Këto bashkëngjitur janë vetëm disa prej mbetjeve të gojës suaj, në adresë të socialistëve të Elbasanit sot, të cilat po ia bashkëngjis këtij shënimi për të gjithë ata që kujtojnë gabimisht se ka mbetur më ambientalizëm në atë protestë të stisur me ndjenjat e shumëkujt, duke i siguruar të tërë njerëzit e mirë e të shqetësuar pa dallim, se projektet e Zvërnecit dhe Sazanit nuk do të ndalen kurrësesi, po do të bëhen shembëlltyra krenarie kombëtare, motorë të rinj të një ekonomie të denjë për një vend të Bashkimit Europian, pasqyra shembullore të zhvillimit të qëndrueshëm dhe destinacione që do t’i shohë me admirim mbarë bota. /CNA

 





Lajmet e fundit nga