web counter
LEXO PA REKLAMA!

SHKARKO APP

App Store
Google Play

E fundit!

x

"Sa turp"/ Spaho me kritika të ashpra për PD-në: Ndjen erën e kërmës dhe vrapon për copën e radhës

7 Qershor 2026, 19:07, Politikë CNA

"Sa turp"/ Spaho me kritika të ashpra për PD-në: Ndjen

Ish-nënkryetari dhe ish-deputeti i PD-së Edmond Spaho ka kritikuar ashpër Partinë Demokratike lidhur me qëndrimet e përfaqësuesve dhe anëtarëve të saj për protestën në Tiranë.

Spaho shprehet se PD e ka humbur besimin e shqiptarëve, ndërsa shton se pa parime dhe pa turp “të zezës i thoni e bardhë dhe të bardhës e zezë”.

Ai shkruan më tej se kjo forcë politike e ka mbyllur misionin e saj, sipas tij, vetëm për arsyen se ka braktisur interesat e qytetarëve dhe është kthyer në barrikadë e interesave të familjes.

Postimi i plotë:

A ka turp kjo forcë politike?

Si mund të jesh kaq e pamoralshme dhe e pafytyrë?

Në mëngjes deklarohet kundër protestës dhe pro investimit në Zvërnec.

Në drekë deklarohet pro protestës dhe kundër investimit në Zvërnec.

Ndjen erën e kërmës dhe vrapon për copën e radhës.

Karrigia e pushtetit vlen mbi çdo gjë. Vërtet do ju pranojnë në protestë?

E keni humbur besimin e shqiptarëve dhe jeni katandisur si karavidhe.

Pa parime, pa turp, as skuqeni e as zverdheni, të zezës i thoni e bardhë dhe të bardhës e zezë.

A keni kokë, a keni logjikë, a keni mendje për të menduar, e aftë t'ju ndalojë për të mos u turpëruar dhe diskredituar kaq shumë?

Kur flisni marrëzira, a mendoni për sakrificat 35-vjeçare të qindra mijëra demokratëve, të cilët ju kanë besuar juve?

Kjo forcë politike e mbylli misionin e saj, sepse prej kohësh ka braktisur interesat e qytetarëve dhe është kthyer në barrikadë e interesave të familjes.

Koha, historia dhe njerëzit po ju hedhin në kosh të plehrave, duke ju zëruar edhe ato të mira që i keni bërë vendit që nga themelimi i PD.

Sa keq! Sa turp!





Lajmet e fundit nga