web counter
LEXO PA REKLAMA!

SHKARKO APP

App Store
Google Play

E fundit!

x

Reagimet e Ramës për protestat/ Këlliçi: Largohu pa i shtuar më shumë kosto qytetarëve dhe vendit

7 Qershor 2026, 15:30, Politikë CNA

Reagimet e Ramës për protestat/ Këlliçi: Largohu pa i

Deputeti i Partisë Demokratike, Belind Këlliçi ka bërë një postim në rrjetet sociale lidhur me reagimet e kryeministrit Edi Rama mbi protestën. Në postimin e tij Këlliçi shprehet se protestuesit po e tregojnë dhe po e shprehin qartë atë se çfarë ndjejnë.

Ai thekson se Rama duhet të largohet ndërsa shton se nuk fiton asgjë duke i sulmuar. Përkundrazi sipas tij, duke reaguar çdo 1 orë, Rama vetë po konfirmon të kundërtën e asaj që thotë.

Postimi i plotë:

Edi Rama vijon fyerjet ndaj protestuesve, ndaj të rinjve e të rejave, faniljarëve me femijë të vegjël, prindërve që kanë mbushur sheshet.

Kam dalluar se kanë qënë prezent dhe shumë intelektualë e shkrimtarë. Megjjithatë, Kryeministri i vendit i quan injorantë që dinë vetëm 4 fjali.

Jam i sigurtë se shumica aty janë më të ditur e më të kënduar se Edi Rama, cektësia e të cilit mbulohet nga gjeste që nuk tregojnë aspak urtësi apo qytetari.

Por pavarësisht, më e rëndësishmja në këtë rast është ajo çfarë ata ndjejnë, zemërimi dhe revolta e tyre. Dhe një shtetar i përgjegjshëm këtë duhet të lexonte.

Ajo që ata ndjejnë, shprehet qartë dhe pastër.

Edi Rama me korrupsionin dhe arrogancën e tij duhet të largohet.

Nuk fiton asgjë duke i sulmuar.

Duke reaguar çdo 1 orë, ai vetë po konfirmon të kundërtën e asaj që thotë.

Largohu pa i shtuar më shumë kosto qytetarëve dhe vendit. /CNA





Lajmet e fundit nga