web counter
LEXO PA REKLAMA!

SHKARKO APP

App Store
Google Play

Rama thumbon Florjan Binajn: Kandidati i kënetës së dëshpëruar

26 Tetor 2025, 10:42, Politikë CNA

Rama thumbon Florjan Binajn: Kandidati i kënetës së

Kryeministri Edi Rama në Podcastin e tij Flasim ka thumbuar Florjan Binajn duke e quajtur kandidatin e kënetës së dëshpëruar duke iu referuar PD-së.

Rama tha se Binaj është një aktor humori që i ka shkrirë të gjithë gazit madje dhe kur ka qenë në Kongresin e PS ku ka imituar personazhin e kryeministrit.

“Është një risi absolute e zgjedhjeve të parakohshme vendore kandidimi i dy grave për Tiranën dhe Vlorën, dy qytete të dorës së parë për Shqipërinë, që do të drejtohen nga dy gra, të cilat kanë një karrierë shumë të ngjashme në një periudhë të caktuar kur kanë drejtuar respektivisht rilindjen e Qendrës Spitalore Universitare dhe të Spitalit Rajonal të Vlorës, dy realitete të transformuara tërësisht falë kapacitetit të tyre menaxherial dhe sidomos vullnetit të tyre të hekurt.

Ato janë të dyja fituese të padiskutueshme të garave, ku kundërshtarët përfaqësojnë shembëlltyrën më kuptimplote të humbjes së radhës, të ndjesë pastë Partia Demokratike.

Këneta është kaq e dëshpëruar, sa për Tiranën ka nxjerrë një aktor humori në rolin e një kandidati gjoja të pavarur, që për vite të tëra i ka bërë për të qeshur të gjithë, madje edhe vetë Kongresin e Partisë Socialiste, ku ka ardhur njëherë për të luajtur rolin tim.

Prandaj, nuk e gjykoj fare keq aktorin për rolin e ri që ka marrë, se aktorët këtë punë kanë, me role jetojnë.

Por kush voton mua dhe Partinë Socialiste, do të votojë Ogertën, që t’i japë Tiranës drejtuesen e duhur dhe qeverisë partneren e duhur në krye të bashkisë, për të vazhduar punën transformuese për kryeqytetin e Shqipërisë 2030”, tha Rama./ CNA





Lajmet e fundit nga