web counter
LEXO PA REKLAMA!

SHKARKO APP

App Store
Google Play

E fundit!

x

SPAK mori person nën hetim Ballukun/ Rama: Nuk kam asnjë koment

25 Tetor 2025, 13:22, Politikë CNA

SPAK mori person nën hetim Ballukun/ Rama: Nuk kam asnjë koment

Kryeministri Edi Rama është pyetur për lajmin që u publikua në media se zëvendëskryeministrja Belinda Balluku është marrë person nën hetim nga Prokuroria e Posaçme.

Në një intervistë për DW në Berlin, ku ndodhet për forumin "Berlin Global Dialogue", Rama ka thënë se nuk ka asnjë koment për rastin. Në fragmentin e intervistës së postuar nga DW, kryeministri thotë se deri kur çështje të caktuara të marrin formë të prerë, njerëzit janë të pafajshëm dhe të padënueshëm.

“Nuk kam asnjë koment për asnjë rast sepse siç e kam thënë ne kemi punën tonë, drejtësia ka punën e vet dhe deri kur çështje të caktuara marrin formën e tyre të prerë, të gjithë njerëzit janë të pafajshëm dhe janë të padënueshëm nga gjykata popullore e politikës dhe mediave që i shërbejnë politikës”, tha Rama.

DW ka bërë me dije se intervista e plotë me Ramën e bërë në Berlin do të transmetohet më vonë.  

Postimi i DW:

Një ditë pas lajmit se SPAK-u ka marrë nën hetim zëvendëskryeministren Belinda Balluku, kryeministri Edi Rama deklaroi se “drejtësia bën punën e saj”.

Balluku dyshohet për shkelje të barazisë në tenderë dhe është zëvendëskryeministrja e dytë nën hetim nga struktura e posaçme antikorrupsion, pas Arben Ahmetajt, nën akuzë për korrupsion.

Intervistën e plotë të kryeministrit Rama nga Berlini, dhënë për "Deutsche Welle", do të mund ta ndiqni pak më vonë në platformat tona. 

/CNA





Lajmet e fundit nga