web counter
LEXO PA REKLAMA!

SHKARKO APP

App Store
Google Play

“9.3 milionë m² apartamente të pabanuara”/ Xhaferri: Shifër alarmante, krizë strehimi e paprecedentë nga Rama

25 Tetor 2025, 19:33, Politikë CNA

“9.3 milionë m² apartamente të pabanuara”/ Xhaferri:

Deputeti demokrat, Besart Xhaferri ka reaguar sot lidhur me banesat e pabanuara në zona të ndryshme të vendit dhe deklaratat e kryeministrit Edi Rama mbi këtë çështje.

Përmes një postimi në rrjetet sociale, Xhaferri shprehet se shifra prej 9.3 milionë metër katrorë është e lartë dhe tregon se shqiptarët nuk po blejnë më prona. 

Xhaferri shton se kjo situatë ka nxitur një krizë strehimi të paprecedentë.

“9.3 milionë m² apartamente të pabanuara. Kryespekulanti Rama ftoi shqiptarët në emigrim të blejnë prona që të pastrohen lekët e krimit.

Në një kohë që DASH vijon të ngrejë alarmin për pastrimin e parave të drogës në ndërtim, qeveria ka pranuar zyrtarisht se Shqipëria ka aktualisht 27.5 milionë metra katrorë ndërtesa të pabanuara.

Të dhënat janë bërë publike në Planin Kombëtar për Rinovimin e Ndërtesave.

Por, përveç banesave të veçuara që janë në fshat, Shqipëria ka një stok të madh banesash të pabanuara edhe në kategorinë e ndërtesave me shumë apartamente, ku sipas të dhënave, aktualisht janë 9.63 milionë metra katrorë të pabanuara në kategorinë e ndërtesave me shumë apartamente.

Paralelisht me këtë shifër, që është alarmante për ekonominë e vendit, është fakti që të rinjtë shqiptarë nuk po blejnë më një pronë dhe as nuk po zgjedhin të jetojnë me qira, por kanë ikur nga vendi.

Kjo shifër dëshmon edhe njëherë se pastrimi i parave në ndërtim ka qenë një projekt qeveritar, që ka nxitur një krizë strehimi të paprecedentë.

Me qindra njerëz hodhën kursimet e jetës në projekte në Tiranë dhe në bregdet, por me paratë e djersës së tyre u pastruan paratë e karteleve të drogës”,-shkruan Xhaferri./CNA





Lajmet e fundit nga