web counter
LEXO PA REKLAMA!

SHKARKO APP

App Store
Google Play

“T’ia lejnë topin Serbisë”/ Rama rrëfen marrëdhënien me Kurtin: Miqësore, por me dallime politike

25 Tetor 2025, 22:00, Politikë CNA

“T’ia lejnë topin Serbisë”/ Rama rrëfen

Kryeministri Edi Rama ka ndarë pak nga pjesa e panjohur e raportit me kryeministrin e Kosovës, Albin Kurti.

Në një intervistë për median gjermane DW, Rama tha se me Kurtin ekziston një marrëdhënie shumë miqësore në aspektin personal, por me dallime të pashmangshme në këndvështrimet politike.

Sa i përket situatës Kosovë-Serbi, Rama u shpreh se Kosova duhet të fokusohet në përmbushjen e detyrave të veta për dialogun mes dy vendeve.

“Me Albinin kam një marrëdhënie shumë miqësore në aspektin personal, por kemi dallime të pashmangshme në këndvështrime, dhe këto dallime i ndajmë në mënyrë të hapur dhe të drejtpërdrejtë. Në të gjitha aspektet e bashkëpunimit me Kosovën, në bashkëpunimin ndërshtetëror, kemi bërë goxha përparim, dhe jemi duke punuar bashkërisht për një vepër madhore siç është hekurudha Durrës-Prishtinë.

Unë, t’ju them të drejtën, i mirëkuptoj të gjitha ato që më janë vendosur si etiketa, sepse burojnë nga arsye dhe, kështu që nuk i marr me të keq. Për më tepër pastaj që unë jam mësuar me këtë dhe nuk kam asnjë shqetësim me asnjë lloj etiketimi, sepse raporti im është me të vërtetën dhe me njerëzit që më besojnë, nuk është me nevojën që të gjithë të jenë dakord apo të pëlqejnë atë që e bëj unë.

Nga ana tjetër, unë nuk u heq asnjë presje atyre që kam thënë, se s’jam pishman për ato që kam bërë, sepse të gjitha i kam bërë nga interesi kombëtar dhe ai i Shqipërisë.

Sipas meje, Kosova duhet ta harrojë krejt Serbinë, në kuptimin që duhet të përmbush në mënyrë unilaterale të gjitha kërkesat e dialogut dhe t’ia lë topin në derë Serbisë, duke i thënë Evropës, të gjitha vendeve të Evropës dhe atyre vendeve që s’e njohin akoma, që jam kush jemi ne, i përmbushëm, i firmosëm, tani shkoni merreni firmën e Serbisë. Por, duhet të shkëputet totalisht nga Serbia dhe nuk duhet të jetojë me idenë e Serbisë”,-tha Rama./CNA

 

 





Lajmet e fundit nga