web counter
LEXO PA REKLAMA!

SHKARKO APP

App Store
Google Play

E fundit!

x

Rama: Shqipëria do të presë vitin e ardhshëm Samitin e Komitetit Olimpik Europian

26 Tetor 2024, 18:53, Politikë CNA
Rama: Shqipëria do të presë vitin e ardhshëm Samitin e
Kryeministri Edi Rama

Kryeministri Edi Rama njoftoi këtë të shtunë se Shqipëria do të mirëpresë vitin e ardhshëm Samitin e Komitetit Olimpik Europian.

Rama tha në takimin me shqiptarët në Nju Jork se në Shqipëri do të vijnë udhëheqës nga të gjitha anët e kontinetit.

“Shqipëria është në tryezën e OKB, mikpritëse e Samitit të Komitetit Olimpik Europian vitin e ardhshëm, ku do të vijnë udhëheqës nga të gjitha anët e kontinetit. Shqipëria mikpritëse e samitit të NATO-s. Është një Shqipëri e rilindur këtë dekadë, që nga një emër i sikletshëm për çdo shqiptar kur e pyesin nga je, është kthyer çdo ditë e më shumë në një emër krenarie, kur u thua “I’m from Albania”. Nuk kam ardhur t’ju them që Shqipëria është fushë me lule, kemi akoma shumë ferra për të pastruar dhe plagë për të shëruar, por kam ardhur t’ju them që jam sa krenar për sa kemi bërë, po aq i vetëdijshëm për shumë akoma që mbetet për të bërë. Prandaj kam ardhur për të kërkuar që ta vazhdojmë ta përmbushim së bashku këtë mision që nisi një dekadë më parë, ta ngjisim në majën e 2030, duke bërë për shtetin flamurin tonë, atë që çdo shqiptar si ju ka bërë për veten e familjen e vetë, duke u bërë pjesë e pandashme e bashkësisë ku jeton”, theksoi kreu i qeverisë./ CNA





Lajmet e fundit nga