web counter
LEXO PA REKLAMA!

SHKARKO APP

App Store
Google Play

E fundit!

x

Të dielën rikthehen mbetjet toksike/ Muçollari: Të gjithë te Porti i Durrësit në orën 11:00

26 Tetor 2024, 12:53, Politikë CNA
Të dielën rikthehen mbetjet toksike/ Muçollari: Të
Anëtari i Kryesisë së PD-së, Grigels Muçollari

Të dielën rikthehen në Shqipëri mbetjet e rezikshme, alarmi për të cilët u ngrit rreth një muaj më parë.

Rrjeti i Bazelit ka kërkuar transperencë në lidhje me këtë çështje. Në të njëjtën linjë është shprehur edhe opozita.

Anëtari i Kryesisë së PD-së, Grigels Muçollari u ka bërë thirrje qytetarëve, kryesisht të Tiranës dhe Durrësit të jenë prezent në momentin e mbërritjes së ngakesave me mbetje në port, me qëllim bërjen e transpapencës.

Muçollari deklaroi se kryeministri Edi Rama do të bëjë gjithçka për të larguar përgjegjësinë e tij në këtë trafik ilegal ndërkombëtar dhe për të manipuluar të vërtetën.

Deklarata e plotë:

Me gjithë kërkesat e përsëritura nga publiku, nga Rrjeti i Bazelit, nga Opozita, për marrjen e masave për të siguruar transparencë të plotë në testimin e mbetjeve të dyshimta që po kthehen në Durrës, qeveria nuk ka bërë publike asnjë hap të ndërmarrë në këtë drejtim.

Anijet kthehen të dielën më 27 tetor. Ato do të jenë të ankoruara në Durrës, aty ku u ngarkuan me 102 kontejnerë, për të cilat Rrjeti i Bazelit lëshoi alarmin se janë lëndë të rrezikshme.

Kjo organizatë, më e specializuara për lëndët toksike, ka dyshime se qeveria mund të manipulojë me testimin, dhe në dy letra radhazi i ka kërkuar qeverisë të garantojë një proces transparent dhe në sytë e publikut.

Rrjeti i Bazelit ka kërkuar praninë e ekspertëve e të organizmave ndërkombëtarë, duke përfshirë dhe OLAF, zyrën e Bashkimit Europian që heton mashtrimet dhe korrupsionin.

Pra, ky institucion beson se nëse i lihet qeverisë në dorë, nuk do të merret vesh e vërteta e ngarkesave me mbetje të dyshuara si toksike.

Partia Demokratike e di mirë se Edi Rama do të bëjë gjithçka për të larguar përgjegjësinë e tij në këtë trafik ilegal ndërkombëtar, dhe do të bëjë gjithçka për të manipuluar të vërtetën.

Të dielën rikthehen mbetjet toksike/ Muçollari: Të

Po ne nuk duhet ta lejojmë këtë skenar.

Shqiptarët duhet të mësojnë se ku burojnë këto lëndë të rrezikshme, sa janë ato, nga vijnë, si trajtohen, dhe ku përfundojnë.

Shqiptarët kanë të drejtë ta dinë këtë informacion bazik për jetën, për shëndetin, për mjedisin.

Te dielën, datë 27 tetor ora 11:00, ne hyrje te Portit te Durresit (ura e Dajlanit)

Ftojmë qytetarët, banorët e Durrësit të Tiranës dhe kudo, familjarë, të rinj e të reja, mediat, organizatat e shoqërisë civile, ekspertët, organizmat ndërkombëtare që të jenë prezent, të garantojmë kështu një proces transparent, të marrim vesh të vërtetën e mbetjeve të rrezikshme.

Të jemi aty për të ndaluar planin që ka qeveria për ta fshehur këtë krim.

Të dielën në Durrës ora 11: 00, e në vijim, mbërritja e ngarkesave duhet të shndërrohet në një moment të transparencës.

Askush nuk mund të vërë në rrezik jetën, shëndetin dhe mjedisin tonë./ CNA





Lajmet e fundit nga