web counter
LEXO PA REKLAMA!

SHKARKO APP

App Store
Google Play

Rama: Kam qenë demokrat, por PD-në na e morën komunistët më të këqij

26 Tetor 2024, 18:48, Politikë CNA
Rama: Kam qenë demokrat, por PD-në na e morën komunistët
Kryeministri Edi Rama

Kryeministri Edi Rama, në bashkëbisedim me shqiptarët që jetojnë në sHBA, u pyet nga një qytetar për legalizimet, i cili u prezantua si demokrat i flaktë.

Nisur nga deklarata e emigrantit, Rama nuk ngurroi të thumbojë Partinë Demokratike.

Kreu i qeverisë deklaroi se edhe ai ka qenë antikomunist dhe demokrat, por pretedoi se PD-në e morën komunistët më të këqij.

“Antikomunist e demokrat isha dhe unë. Por, PD-në na e morën komunistët më të këqij. Shqipëria nuk është e ndarë mes komunistësh dhe demokratësh. Duhet punuar përditë që ta ndërtojmë atdheun, e mos e shohim si të majtë e të djathtë. Shkodra sot me ne po ndryshon. Virtyti është puna. Për pak javë ne do publikojmë një program të ri për zonat malore, për emigrantët, programin “Paketa e maleve”, me qëllim që të emigrantët të mund të investojnë në vendlindje.

Ky program ka shumë avantazhe me lehtësim taksash. Nëse do të investoni tek toka juaj, sidomos për ta kthyer në agro-turizëm, më shumë do të fitoni atje sesa këtu. Ne kemi shumë emigrantë që kanë investuar në Theth, për hoteleri e turizëm. Investoni në vendlindjen tuaj, do keni mbështetjen tonë. Çdokush do ketë mbështetje të plotë nga ana e qeverisë”, tha Rama./ CNA





Lajmet e fundit nga