web counter
LEXO PA REKLAMA!

SHKARKO APP

Tabaku: Rritja e pensioneve, dështim si i skemës së Veliajt

26 Tetor 2024, 14:05, Politikë CNA
Tabaku: Rritja e pensioneve, dështim si i skemës së Veliajt
Deputetja e Partisë Demokratike, Jorida Tabaku

Deputetja e Partisë Demokratike, Jorida Tabaku, ka reaguar për indeksimin e pensioneve me 4.1%.

Tabaku deklaron se rritja që i solli pensionistëve ky indeksim është qesharake, pasi të moshuarit nuk arrijnë të mbulojnë as nevojat më themelore të jetesës.

“Pensionet shqiptare nuk arrijnë të mbulojnë as nevojat më themelore të jetesë dhe kjo është një padrejtësi e madhe që po ju bëhet një brezi që ka dhënë gjithçka për këtë vend”, shprehet ajo.

Tabaku thekson se rritja e pensioneve është një dështim si skema e 2014-ës, e Erion Veliaj.

“Politikat aktuale fiskale dhe ekonomike favorizojnë një pakicë të privilegjuar, duke varfëruar shumicën e qytetarëve. Një skemë e dështuar pensioni, si kjo e miratuar në 2014-2015, nuk mund të sjellë të ardhura të dinjitetshme për qytetarët tanë në moshën e tretë”, nënvizon Tabaku./ CNA

 





Lajmet e fundit nga