web counter
LEXO PA REKLAMA!

SHKARKO APP

App Store
Google Play

Rama në Katar/ Paloka: Në këtë situatë ku është vendi, çdo kryeministër serioz s'do të ikte

24 Nëntor 2025, 15:34, Politikë CNA

Rama në Katar/ Paloka: Në këtë situatë ku

Deputeti i Partisë Demokratike, Edi Paloka, i ftuar në "Syri TV" ka folur për vizitën e kryeministrit në Katar.

Paloka tha se në kushtet që ndodhet vendi, një shtetar serioz do ta anulonte vizitën.

Demokrati u shpreh se Rama po e përdor pushtetin për të plotësuar tekat e tij dhe e krahasoi me një djalë adoleshent të një sheiku.

Më tej, Paloka tha se Rama nuk ka qenë kurrë piktor, edhe pse babai i tij u përpoq ta bënte piktor.

 

“Unë kam qenë nga të parët që e kam zbuluar këtë fakt dhe jo vetëm këtë fakt, po disa herë fakte të tilla për jetën që bën kryeministri ynë, që herë pas here nuk harron të deklarojë se nuk është qejfli i luksit, por që në fakt, si gjithmonë, bën krejt të kundërtën e asaj që thotë. Edhe sikur të ishte një vizitë e planifikuar zyrtare, në këtë situatë ku është vendi, çdo kryeministër apo shtetar serioz nuk do të lëvizte nga vendi. Përkundrazi, edhe sikur të ishte diku jashtë vendit, siç ka ndodhur me qeveritarët e vendeve normale, dhe të ndodhte një situatë e tillë në vendin e tij, ai duhet të ishte kthyer. Po çfarë tregon kjo? Përveç faktit që e thashë dhe pak më parë, që ky njeri, unë këtë e kam quajtur për mënyrën, për jetën që bën nga momenti që është bërë kryeministër, edhe kur ishte kryetar bashkie në fakt, një adoleshent, djalin adoleshent të një sheiku. Sepse ky pushtetin, përveç të tjerave, po e përdor dhe për të plotësuar çdo tekë që mund të ketë një adoleshent. Duke filluar nga hapja e ekspozitave në galeritë më ekskluzive dhe më të shtrenjta të botës, ku piktorë me famë, jo ky shkarravici që nuk ka bërë kurrë asgjë në jetën e vet, po piktorë me famë e kanë të vështirë të ekspozojnë qoftë edhe një apo dy vepra të tyre, ky hap një ekspozitë komplet. Te MoMa për shembull, në New York. Një ekspozitë e tërë e Ramës. Kuptohet se sa qindra mijëra dollarë janë paguar që kjo të ndodhë. Dhe jo një, po në dhjetëra ekspozita nga më të famshmet në gjithë botën, nga Berlini, në Tokio, New York e me radhë.

Ky piktor s'ka qenë kurrë. U përpoq Kristaqi, ndjes pastë, ta bëjë piktor, nuk u bë kurrë. E mbajti dhe pedagog, se nuk mund të bënte gjë tjetër. E mbajti dhe pedagog në Institutin e Arteve atëherë, dhe e vetmja vepër e Ramës në atë kohë, është zbuluar edhe ajo tani që është bërë kryeministër, ka qenë një karikaturë në një palestër shkolle tetëvjeçare të Tepelenës”, tha Paloka.





Lajmet e fundit nga