web counter
LEXO PA REKLAMA!

SHKARKO APP

App Store
Google Play

"Dëmet në Petovë janë të konsiderueshme"/ Deputeti sjell pamjet e përmbytjes së serave: Tregoni përgjegjshmëri

23 Nëntor 2025, 20:29, Politikë CNA

"Dëmet në Petovë janë të konsiderueshme"/

Deputeti i Partisë Demokratike Luan Baçi përmes një denoncimi në rrjetet sociale ka sjellë pamje nga përmbytjet në fshatin Petovë të Fierit si pasojë e daljes nga shtrati të lumit Seman. Baçi deklaron se në këtë zonë janë përmbytur prodhimet e fermerëve dhe deklaratat e institucioneve se situata është nën kontroll është propagandë.

Deputeti thekson se dëmet janë të mëdha dhe vështirësitë janë serioze.

"Fermeri Erjon Gjojdeshi në fshatin Petovë, së bashku me shumë fermerë të tjerë të zonës, kanë pësuar dëme të konsiderueshme në prodhimet e tyre si pasojë e daljes së lumit Seman.
Fermerët i bëjnë apel institucioneve përgjegjëse, Bashkisë Fier dhe Ministrisë së Bujqësisë, të kryejnë detyrën e tyre, duke verifikuar dëmet e shkaktuara dhe duke dëmshpërblyer fermerët, në vend që të vazhdojnë me gënjeshtrat dhe propagandën e lodhur se ‘në Fier nuk ka probleme me përmbytjet’ dhe se ‘situata është nën kontroll’.
Në realitet, dëmet janë të mëdha dhe në disa zona banorët ndodhen në vështirësi serioze. Pikërisht në këto raste shteti duhet të tregojë përgjegjshmëri dhe seriozitet gjë që, fatkeqësisht, nuk e ka treguar kurrë.
Reagoni!", shkraun Baçi.

Baçi u ka bërë thirrje institucioneve të kryejnë verifikimet me përgjegjshmëri dhe seriozitet./CNA

 

 

 





Lajmet e fundit nga