web counter
LEXO PA REKLAMA!

SHKARKO APP

App Store
Google Play

Deklaratat e Komisioneres Kos/ Kikia: Duam të shërojmë 'plagën', jo ta mbulojmë me batanije

21 Nëntor 2025, 22:36, Politikë CNA

Deklaratat e Komisioneres Kos/ Kikia: Duam të shërojmë

Gazetari Mentor Kikia komentoi deklaratat e bëra këtë të premte në Tirana nga Komisionerja e BE-së për Zgjerim, Marta Kos.

Në një intervistë në A2 CNN, Kikia u shpreh se përtej qëndrimeve të komisioneres, e rëndësishme për vendin është që të tejkalojë ‘plagën’ për standardin e zgjedhjeve.

“Në Bruksel ka një dashamirësi të jashtëzakonshme ka një klimë politike miqësore ndaj Shqipërisë që nuk ka qenë asnjëherë dhe ndaj asnjë shteti. Kjo do të thotë që Shqipëria nuk ka më argumente me fobi, por ka një dashuri të ekzagjeruar.

Ky është një shans që kemi për t’iu bashkuar BE. Dhe këtë flamur e tund Kos. Përtej afeksionit që ajo tregon për kryeministrin, deklaratat e saj nuk janë reale, korrekte për realitetin. Ajo e zgjedhjeve sot ishte një kërcitje.

Raporti i ODIHR mund të ishte më kritik, por dhe aq ishte një kambanë alarmi. Dhe kjo kambanë duhet të bjerë tek ne, por edhe në Bruksel ku monitorohen me lupë standardet. Të thuash që zgjedhjet ishin të lira dhe të drejta duhet një lloj guximi.

Nuk na nevojiten qëndrime hipokrite si ai i komisioneres sepse nuk është i vërtetë. Ne duam ta shërojmë plagën dhe jo ta mbulojmë me batanije”,-tha Kikia./CNA





Lajmet e fundit nga