web counter
LEXO PA REKLAMA!

SHKARKO APP

App Store
Google Play

Ankimimi i qeverisë në Kushtetuese/ Berisha: Ramës iu dridhën këmbët nga kërcënimi i Ballukut

21 Nëntor 2025, 22:18, Politikë CNA

Ankimimi i qeverisë në Kushtetuese/ Berisha: Ramës iu

Kreu i PD-së Sali Berisha ka reaguar pas vendimit të qeverisë për të dërguar një ankimim në Gjykatën Kushtetuese për rastin e Belinda Ballukut.

Sipas Berishës, Balluku ka kërcënuar Ramën dhe ky i fundit është detyruar të urdhërojë Ëngjëll Agaçin të bëjë ankimimin në Kushtetuese.

“Lubia ‘palos’ Palloshin e gjatë! Nga kacafytja 7-orëshe mbrëmë në zyrën e Edi Ramës, del se Lubia e ‘palosi’ Palloshin e gjatë. Kapitullimin e Ramës, i cili për 7 orë nuk kishte pranuar të bëhej paditës i vendimit të ligjshëm të GJKKO, Lubia e arriti pas një telelefonate që pati në mesnatë me Ramën.

Ajo e njoftoi Ramën se SMS-t për tunelin e Palloshit të gjatë, dhe jo vetëm për atë që ai ka shkëmbyer me Lubinë, por dhe me vetë Ervis Berberin, i cili paska patur maninë që çdo mesazh t’ia ridërgojë jo vetëm zonjës së tij, por edhe në disa drejtime të tjera, do të bëhen publike në rast se ai nuk dërgon si kryeministër padinë brenda ditës së nesërme në Gjykatën Kushtetuese.

 Lubia, në tërbim të pakufishëm, e siguroi Ramën se pas saj, ai e kishte radhën. Kështu që Rama, të cilit i dridhen leqet e këmbës nga kërcënimi i çmendur i Lubisë, urdhëroi në mëngjes herët, tashmë i ‘palosur’, Don Agaçion të përgatiste dhe dorëzonte me urgjencë në emër të Këshillit të Hajdutëve në Gjykatë Kushtetuese padinë… në emër të telefonatës që pati Lubia!

Cili-viu, viu-viu, kush ia bën ia bën vetiu?  Keni parë, a s’keni parë, shkon i vdekuri me të gjallë…”, shkruan Berisha./ CNA





Lajmet e fundit nga