web counter
LEXO PA REKLAMA!

SHKARKO APP

App Store
Google Play

Pyjet/ Kumbaro kritika bashkive: Marrin fonde, por zero investime e të ardhura

15 Janar 2024, 12:20, Politikë CNA
Pyjet/ Kumbaro kritika bashkive: Marrin fonde, por zero investime e të
Mirela Kumbaro

Ministrja e Turizimit dhe Mjedisit, Mirela Kumbaro, ka kritikuar bashkitë sa i përket menaxhimit të pyjeve.

Mirela Kumbaro krah ministrit të Shtetit për Pushtetin Vendor, Arbjan Mazniku në takimin e mbajtur sot me kryetarët e bashkive në prezantimimin e aktiviteteve të kalendarit kombëtar të Vitit të Pyjeve theksoi se është situatë e papranueshme puna e dobët që kanë bërë disa bashki. 

Ministrja Kumbaro vuri në dukje se 33 bashki nuk kanë asnjë plan mbarështimi të pyjeve po gjithashtu për 8 vite që administrojnë pyjet nuk kanë bërë asnjë investim në fondin pyjor.

“Është e papranueshme që 8 vite pasi ju jeni bërë pronarë, adminstratorë të 50% e bashkive nuk i kanë këto plane mbarështimi. Që 8 vite pasi janë bërë ‘pronarë, 'adminstratorë’ të kësaj pasurie 50 % e bashkive nuk kanë as plan mbarështimi të këtyre pyjeve", u shpreh ajo. 

Sipas saj, performancë të dobët kanë pasur dha disa bashki që kanë fond pyjor të konsiderueshëm shumë të madh në raport me frymë popullsie, kanë dhe të ardhura falë këtyre ekonomive por nuk kanë fare investime. Për këtë ajo përmendi bashkitë Mirditë, Fushë Arrëzin, Tropojën, Pukën, Kolonjën, Skraparin dhe Dibrën. 

"Nuk është normale as fakti që bashki me sipërfaqe shumë të madhe pyjore realizojnë apo deklarojnë të ardhura shumë të pakta si Malësi e Madhe, Puka, Hasi. Ka dhe më keq ka bashki që raportojnë zero lekë të ardhura si Himara, Finiqi, Lezha, Dropulli, Memaliaj, Kurbini, Divjaka, Roskoveci, Vlora. Referohem raportimeve të bëra pranë Agjencisë kombëtare të pyeve", vijoi më tej ministrja./CNA





Lajmet e fundit nga