web counter
LEXO PA REKLAMA!

SHKARKO APP

App Store
Google Play

Bylykbashi akuza Ramës: Shkatërrove pluralizmin në ekonomi, korrupsion dhe klientelizëm

15 Janar 2024, 11:19, Politikë CNA
Bylykbashi akuza Ramës: Shkatërrove pluralizmin në ekonomi,
Oerd Bylykbashi

Deputeti i Partisë Demokratike, Oerd Bylykbashi, u shpreh në një konferencë për mediat se është shkatërruar pluralizmi në ekonomi, duke sjellë korrupsion, klientelizëm dhe varfëri.

"Është detyrë e opozitës për ta vënë përpara fakteve këtë qeverisje që shqiptarët të kuptojnë se çfarë kanë kaluar dhe çfarë i pret në vitin 2024. Viti 2023 ishte një vit, i cili karakterizohej nga mungesa e transparencës, nga mungesa e konkurrencës, nga klientelizmi. Të gjitha këto nga korrupsioni. Të gjitha këto kanë çuar në një mekanizëm gjigant korruptiv, në të cilin paraja publike po grabitet për interesa private të Edi Ramës dhe shpurës që e rrethon. Viti 2023 është një vit që ka shpërfaqur plotësisht mekanizmin e centralizimit të pushtetit nga Edi Rama, i cili ka prodhuar të gjitha këto efekte që thashë më përpara", u shpreh Bylykbashi. 

Sipas Bylykbashit, është prishur ndarja mes pushtetit publik dhe interesave private, duke zhbërë mundësinë e kontrollit dhe llogaridhënies.

"Kemi ligje nominale, ligje të bëra për individë privatë, është rasti i Portit të Durrësit, por dhe të tjera. Kemi PPP-të, të cilat së bashku si mekanizëm po krijojnë një moment shumë të rrezikshëm për demokracinë në Shqipëri. Është prishur ndarja mes pushtetit publik dhe interesave private, duke zhbërë mundësinë e kontrollit dhe llogaridhënies. Dhe të gjitha këto çojnë në korrupsion, në klientelizëm, varfërimin e ekonomisë sepse i hiqet mundësia pluralizmit edhe në ekonomi për të prodhuar të mira për shqiptarët. Sot do trajtojmë dy çështje në aspektin e infrastrukturës dhe planifikimit urban", u shpreh ai./CNA 





Lajmet e fundit nga