web counter
LEXO PA REKLAMA!

SHKARKO APP

App Store
Google Play

“Luiza Gega po diskriminohet”/ PD: Mohimi i shpërblimit, akt i neveritshëm

13 Janar 2024, 16:17, Politikë CNA

“Luiza Gega po diskriminohet”/ PD: Mohimi i shpërblimit, akt i

Atletja Luiza Gega denoncoi këtë të shtunë se Ministria e Arsimit dhe Sporteve nuk i kishte dhënë një shpërblim me argumentin se nuk kishte kryer kontrollin doping.

Në mbështetje të Luiza Gegës ka dalë Partia Demokratike, e cila quan akt të neveritshëm dhe diskriminim mosdhënien e shpërblimit.

Me një deklaratë për mediat, PD kërkoi që të marrë fund diskriminimi ndaj atletes, duke theksuar se Luiza Gega ka nderuar flamurin kombëtar në arena sportive ndërkombëtare.

“Një akt i neveritshëm i narko-qeverisë!

Mohimi i shpërblimit të merituar dhe të ligjshëm për Luiza Gegën, atletes që i solli Shqipërisë titullin e kampiones së Evropës në garën 3 mijë metra me pengesa, është një akt amoral i kësaj qeverie, që urren çdo sukses që vjen nga puna dhe gara e ndershme.

Partia Demokratike denoncon me forcën më të madhe këtë qëndrim diskriminues ndaj Luiza Gegës, atletes që ngriti lart dhe nderoi më shumë se kushdo tjetër flamurin dhe vendin tonë në arenën sportive ndërkombëtare.

Partia Demokratike kërkon që ky diskriminim i dënueshëm banditesk të marr fund menjëherë”, theksoi PD./ CNA





Lajmet e fundit nga