web counter
LEXO PA REKLAMA!

SHKARKO APP

App Store
Google Play

E fundit!

x

Arrestimet e zyrtarëve të burgut të Peqinit/ Manja i pakënaqur: Ndalimet e policëve, absurde

12 Janar 2024, 12:38, Politikë CNA
Arrestimet e zyrtarëve të burgut të Peqinit/ Manja i
Ulsi Manja

Ministri i Drejtësisë, Ulsi Manja, në një intervistë për CNA TV nga qyteti juglindor i Korçës, komentoi edhe ngjarjen e rëndë të ndodhur në Peqin, ku i burgosi me burg përjetë, Sokol Mjacaj, vrau me armë Arben Lleshin dhe plagosi një tjetër të burgosur. 

Teksa theksoi se tashmë kjo është një çështje që duhet të hetohet nga drejtësia, ai theksoi se nuk mund të mbahen 12 policë në burg, se kishin fatin e keq se ndodheshin ditën e ngjarjes në turn. 

Sipas ministrit, duhet të zbardhet ngjarja e më pas të vihen prapa hekurave personat përgjegjës. 

Manja i bën thirrje Gjykatës së Apelit të Juridiksionit të Përgjithshëm, që të marrë në konsideratë kërkesën e avokatëve dhe policëve të arrestuar, të zbutin nevojat e sigurimit për të arrestuarit. 

"Nuk mund të mbahen 12 punonjës policie me masë sigurimi arrest në burg, pa u përcaktuar dinamika e ngjarjes. Kush e futi armën, si e futi, e kështu me radhë, gjë që i takon ta bëjë prokuroria. Ne jemi të gatshëm dhe jemi vendosur që në momentin e parë në dispozicion të hetimit. Punonjësit e policisë që gjenden sot në burg nuk kanë asnjë mundësi që të ndikojnë mbi hetimin e çështjes. Do të jetë në nderin e Gjykatës së Apelit të Juridiksionit të Përgjithshëm, që të marrë në konsideratë kërkesën e avokatëve dhe policëve të arrestuar, të zbutin nevojat e sigurimit. Është absurde të rrinë me masë sigurie arrest në burg 12 punonjës të policisë së burgut në Peqin, për fajin e vetëm se kanë qenë fatkeqë që në atë moment kritik të ndodhjes së asaj ngjarjeje, ishin planifikuar me shërbim. Ne duam të dalin deri në fund përgjegjësitë individuale, qoftë dhe penale, ajo ngjarje të zbardhet deri në fund por s'do të thotë që këta punonjës policie të rrinë në burg", u shpreh ai./CNA 

 

 





11:23 Politikë

Luli bëhet trim

Lul Basha është bërë trim. Sot gjumashi dhe ekselenti...

Lajmet e fundit nga