web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në burgun e Peqinit/ Manja: Përgjegjësia është individuale, të hetojë drejtësia

12 Janar 2024, 12:20, Politikë CNA
Vrasja në burgun e Peqinit/ Manja: Përgjegjësia është
Ulsi Manja

Ministri i Drejtësisë, Ulsi Manja, gjatë një interviste nga Korça për CNA TV komentoi edhe ngjarjen e rëndë që ndodhi në burgun e Peqinit, ku Sokol Mjacaj vrau me armë zjarri Arben Lleshin dhe plagosi një tjetër të burgosur. 

Manja theksoi se për këtë ngjarje është bërë një analizë e plotë dhe shumë shpejt do të ketë përforcime masash në burgjet e vendit. 

"Nga ngjarja e Peqinit sigurisht që ne kemi bërë një analizë tonën, kemi nxjerrë përgjegjësitë administrative. Kemi pasur një proces reflektimi dhe kemi riparë të gjitha skemat e sigurisë në të gjitha institucionet e ekzekutimit të vendimeve penale, përfshirë dhe burgjet e sigurisë së lartë si Peqini apo Drenova e Korçës ku jemi sot. Vazhdojmë të jemi në një gjendje të përforcuar të gatishmërisë, dhe shumë shpejt pas një analize që do të bëjmë në të gjithë burgjet e vendit, do të ketë një vendimmarrje për ta ulur nivelin e gatishmërisë, por sigurisht që kemi përforcuar masat jo vetëm në drejtim të burimeve njerëzore, por dhe në drejtim të teknologjisë dhe rialokimit të burimeve njerëzore dhe masave të brendshme që kemi marrë në lidhje me shpërndarjen e personave të dënuar që paraqesin rrezikshmëri shoqërore", u shpreh ministri. 

Ministri nënvizoi më tej se tashmë ngjarja e Peqinit është një çështje e drejtësisë. Sipas tij, përgjegjësia është individuale dhe jokolektive. 

"Ngjarja e Peqinit është një ngjarje që është në duart e drejtësisë, nuk më vjen mirë që drejtësia vazhdon të ketë në burg me masë sigurimi arrest në burg 12 policë që kryenin shërbimin në IEPV Peqin. Absolutisht i takon drejtësisë për të hetuar përgjegjësinë konkrete të secilit nga punonjësit e arrestuar, por përgjegjësia penale është individuale, nuk mund të jetë përgjegjësi kolektive", u shpreh Manja./CNA 

 





11:23 Politikë

Luli bëhet trim

Lul Basha është bërë trim. Sot gjumashi dhe ekselenti...

Lajmet e fundit nga