web counter
LEXO PA REKLAMA!

SHKARKO APP

App Store
Google Play

Këlliçi denoncon Veliajn/ Dështoi qëllimisht koncesionin e inceneratorit të Tiranës

10 Janar 2024, 12:11, Politikë CNA
Këlliçi denoncon Veliajn/ Dështoi qëllimisht koncesionin e
Anëtari i Kryesisë së PD-së, Belind Këlliçi

Anëtari i Kryesisë së PD-së, Belind Këlliçi, denoncoi sërish kryebashkiakun e Tiranës, Erion Veliaj, në lidhje me aferën në inceneratorin e Tiranës, që nuk ekziston.

Në një deklaratë për mediat, Këlliçi tha se shkresat faktojnë se Bashkia Tiranë ka dështuar qëllimisht koncesionin e inceneratorit të Tiranës.

Ai u shpreh se Ministria e Infrastrukturës i është drejtuar Veliajt në 10 korrik të 2023-shit, me një shkresë, dy anëtarë të bashkisë në Njësinë e Zbatimit të Projekteve, strukturës që monitoron projektin e mbetjeve, kanë bllokuar prej më shumë se dy vitesh punën.

“Më datë 10 korrik 2023, Belinda Balluku i drejtohet me shkresë Erion Veliajt ku i thotë shprehimisht se dy anëtarët e Bashkisë Tiranë në NJZP, kanë bllokuar prej më shumë se dy vitesh punën e kësaj strukture. Dhe që ta kuptoni më qartë rëndësinë e kësaj strukture, po ju lexoj një pjesë të shkresës:

'Kontrata Konçensionare 'Për Ndërtim Lendfilli, Inceneratorit dhe Rehabilitimit të Vend depozitimeve Ekzistuese Tiranë dhe Prodhimi të Energjisë Elektrike', monitorohet nga Njësia e Zbatimit të Projektit, e cila është struktura administrative e ngarkuar për ndjekjen, zbatimin e kushteve dhe përgjegjësive kontraktuale, ushtrimin e mbikëqyrjes së vazhdueshme.'

Pra të nderuar qytetarë,

Kjo është struktura që duhet të monitoronte jo vetëm ndërtimin e inceneratorit që nuk ekziston, por dhe hallin e madh që kanë prokurorët e dosjes se ku kanë shkuar 120 milionë eurot, para të cilat sipas vetë prokurorëve të SPAK zbardhur në vendimin e gjykatës, kanë dalë me çanta cash nga territori i Shqipërisë”, deklaroi ai.

Këlliçi pretendoi se prokurori Dritan Preçi, që po heton çështjen e inceneratorit të Tiranës, refuzon t’i shohë këto dokumente./ CNA

Këlliçi denoncon Veliajn/ Dështoi qëllimisht koncesionin e





Lajmet e fundit nga