E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

"Komploti ndaj opozitës vazhdon"/Tritan Shehu komenton për CNA masën ndaj Berishës

9 Janar 2024, 15:50, Politikë CNA

Tritan Shehu

Deputeti i Partisë Demokratike, Tritan Shehu, në një intervistë për gazetaren Fabjona Pasho të CNA TV komentoi masën ndaj ish-kryeministrit Sali Berisha, duke e konsideruar vazhdim të një komploti të nisur kohë më parë ndaj opozitës.

“Është në një komplot të vërtetë për të zhbërë opozitën shqiptare, për të zhbërë Partinë Demokratike. Për të krijuar një opozitë krejtësisht me funksion dhe nën dirigjimin dhe qeverisjen e Ramës. PD është në një agresion. Vendimet e fundit kundër zotit Berisha, janë pjesë e këtij agresioni. Sot nuk ka më burgime, nuk ka më pushkatime, nuk ka më varje siç ka pasur në ’47 dhe më vonë në Shqipëri, apo edhe vendet komuniste. Sot, regjimet autokratike kanë mënyrat e tyre moderne të eliminimit të opozitave, ose për të krijuar opozita fiktive. Unë nuk jam kundër ndjekjes së proceseve gjyqësore ndaj kujtdo, është normale, por derisa njeriu të dënohet me vendim të formës së prerë, ka një prezumim të pafajësisë", u shpreh Shehu.

Shehu u bëri thirrje kolegëve të tij demokratë, të vijojnë aksionin opozitar edhe jashtë parlamentit duke e shtrirë në shkallë vendi.

“Duhet ta shprehim sinkronizimin jashtë parlamentit. Së bashku jemi në sallën e parlamentit, ashtu duhet të jemi edhe në sallën e parlamentit, për të shtyrë përpara lëvizjen popullore", u shpreh Shehu.

Deputeti u shtriu dorën e bashkëpunimit edhe deputetëve që mbështesin Lulzim Bashën, duke thënë se duhet të bashkohen në të njëjtën formë, siç kanë vepruar simpatizantët e PD-së.

“Të gjithë kolegët, ata që akoma hezitojnë, duhet të kuptojnë se koha e humbur është në disfavorin e demokracisë. Ne të gjithë duhet të jemi së bashku, jo vetëm në sallën e parlamentit. Është hap i domosdoshëm për t’u bërë dhe për të dhënë një mesazh të qartë, se të gjithë militantët, aktivistët e PD-së në tërësi janë të bashkuar, por të gjithë janë të bashkuar në PD-në e drejtuar nga Berisha", tha ai.

Në fjalën e tij, Shehu tha se veprimet e fundit ndaj opozitës u përngjajnë sistemeve autokratike dhe aspak modelit perëndimor./CNA