web counter
LEXO PA REKLAMA!

SHKARKO APP

App Store
Google Play

E fundit!

x

Berisha kujton 8 janarin, ditën kur Basha rrahu demokratët

7 Janar 2024, 18:11, Politikë CNA
Berisha kujton 8 janarin, ditën kur Basha rrahu demokratët
Ish-kryeministri Sali Berisha

Ish-kryeministri Sali Berisha ka dhënë mesazhe të forta për qytetarët nga ballkoni i shtëpisë së tij, ku përshëndeti protestuesit.

Berisha tha se protesta e sotme në shi dëshmon betejën pa kthim kundër kryeministrit Edi Rama, për të cilin tha se është armiku i shqiptarëve.

Kreu i PD-së kujtoi edhe protestat e dy viteve më parë, të 8 janarit në selinë e PD-së, ku Lulzim Basha e të tijët rrahën me shkopinj demokratët dhe i mbytën në gaz lotsjellës.

Ai deklaroi se asokohe demokratët i thanë jo presionit dhe shantazheve të opozitës së Lulzim Bashës dhe qeverisë.

"Sonte në shi, në kushte të vështira ju dëshmuat se nuk ka asnjë pengesë para jush, në kthesën tuaj, në një betejë pa kthim kundër të keqes së madhe që po rrënon çdo ditë qenien e kombit dhe që quhet, Edi Rama dhe regjimi i tij.

Miqtë e mi!

Në rast se mendojmë se çfarë është shpresa, ajo është rrezja që shpon çdo errësirë, çdo tunel dhe që jep dritë udhës që duhet të ndjekim.

Në të vërtetë, shpresa sot jeni ju, me qëndresën tuaj, të cilët keni vendosur të përballeni me diktaturën. Jeni të vendosur që të qëndroni si opozitarë të pamposhtur, të mbroni liritë, të drejtat më themelore, dinjiteti njerëzor, nga narkoshteti i Edi Ramës që po rrënon çdo ditë Shqipërinë e shqiptarët.

Dy vjet më parë me instinktin tuaj të lirisë, në ndjesinë më fisnike të njeriut, të dinjitetit të tij, kur e patë se opozita me program po tradhtohej, se Shqipëria po dënohej me një opozitë aleate të Edi Ramës, u ngritët fuqishëm në kushtet më të jashtëzakonshme dhe i thatë jo, prerjes në besë të idealeve demokratike të shqiptarëve.

I thatë jo, presionit, shantazheve të mafies së Xhorxh Sorosit dhe mafies ndërkombëtare. I thatë jo përpjekjes për një Shqipëri pa opozitë dhe rithemeluat opozitën e kombit shqiptar, e cila bëri gjithçka për të dalë në shesh, për të lënë mënjanjë çdo mashtrim dhe gënjeshtër dhe ju tha shqiptarëve të vërtetën, se sot për vullnetin, votën, dinjitetin tuaj, ju keni një armik po kaq të egër sa në diktaturën më të zezë të të shkuarës komuniste.

Dhe ky armik është Edi Rama", theksoi Berisha./ CNA





Lajmet e fundit nga