web counter
LEXO PA REKLAMA!

SHKARKO APP

App Store
Google Play

Vetëhelmimi i 41-vjeçares vë në lëvizje Kuvendin/ Do të ashpërsohet legjislacioni dhe Kodi Penal

5 Janar 2024, 21:07, Politikë CNA
Vetëhelmimi i 41-vjeçares vë në lëvizje Kuvendin/ Do
Kryeparlamentarja Lindita Nikolla

Kuvendi do të ashpërsojë legjislacionin për mediat online dhe Kodin Penal në dispozitat që lidhen me krimin kibernetik, sulmet, fyerjet dhe agresivitetin në rrjetet sociale.

Këtë e ka bërë të ditur kryeparlamentarja Lindita Nikolla në një reagim mbi vetëhelmimin e 41-vjeçares në Durrës, për shkak të bullizimit në rrjetin social “TikTok”.

Në një njoftim për mediat, ajo kërkon që organet e drejtësisë të dënojnë shkaktarët e ngjarjes.

“Një nënë e katër fëmijëve, u vetësakrifikua për shkak të denigrimit në mediat sociale. Fëmijët dhe bashkëshorti humbën njeriun e tyre më të dashur, që i kishte thirrur për t’u gëzuar bashkarisht për festat.

U bëj thirrje organeve të drejtësisë t’u japin shkaktarëve dënimin maksimal, të merituar.

Kjo ngjarje tragjike duhet të shërbejë si një apel i fuqishëm për shoqërinë dhe institucionet.

Kuvendi do të rishqyrtojë menjëherë, me përparësi ashpërsimin e legjislacionit për mediat online dhe Kodin Penal, sidomos dispozitat që lidhen me krimin kibernetik, sulmet, fyerjet dhe agresivitetin në rrjetet sociale.

Agjencitë ligjzbatuese duhet të reagojnë më shpejt, me më shumë forcë dhe efiçience për parandalimin e rasteve të tilla, të cilat ndodhin para syve të të gjithë shoqërisë dhe shkaktojnë ngjarje tragjike e trauma familjare.

Ngushëllime fëmijëve, bashkëshortit dhe familjarëve të të ndjerës!

U prehtë në paqe!”, thekson Nikolla./ CNA





Lajmet e fundit nga