web counter
LEXO PA REKLAMA!

SHKARKO APP

App Store
Google Play

E fundit!

x

E zbulon Gjokutaj/ Ja kush mund ta takojë Berishën

4 Janar 2024, 22:53, Politikë CNA
E zbulon Gjokutaj/ Ja kush mund ta takojë Berishën
Avokati Genc Gjokutaj

Avokati i ish-kryeministrit Sali Berisha, Genc Gjokutaj është pyetur në lidhje me masën e sigurisë “arrest shtëpie”, të vendosur nga GJKKO për kryedemokratin.

Gjokutaj tha se Berisha mund të komunikojë si person nën hetim, por edhe si politikan.

“Komunikimi i zotit Berisha ka dy funksione, si person nën hetim, por edhe si politikan. Ai në këtë cilësi ka detyrim për komunikimin siç po e realizon. Ai nuk po takon ekspertë apo dëshmitarë që t’i intimidojë”, u shpreh ai.

Avokati tha në emisionin e Blendi Fevziut se kreu i PD-së është i lirë të takojë persona të partisë që i shkojnë në shtëpi, apo edhe votues të tij.

“Absolutisht po! Nëse ka probleme që lidhen ngushtësisht me akivitetin politik patjetër. Gazetarët duhet të marrin autorizim. Por zoti Berisha mund të komunikojë edhe përmes rrjeteve sociale”, deklaroi ai.

Gjokutaj theksoi se “aktiviteti politik i Berishës është i pacënuar nga vendimi i gjykatës”.

Avokati nënvizoi se në rast se ai dëshiron të shkojë në Parlament për të mos humbur mandatin, Berisha duhet të lajmërojë SPAK-un./ CNA





Lajmet e fundit nga