web counter
LEXO PA REKLAMA!

SHKARKO APP

App Store
Google Play

E fundit!

x

Më 6 janar i "digjet" mandati/ Kush pritet të zëvendësojë Ahmetajn

3 Janar 2024, 19:47, Politikë CNA

 

Më 6 janar i "digjet" mandati/ Kush pritet të
Ish-zv.kryeministri Arben Ahmetaj

 

Kthimi në Parlament, socialistët pritet t’i gjejë me ndryshime në grupin parlamentar. Ish-zv.kryeministrit Arben Ahmetaj rrezikon t’i përfundojë mandati më 6 janar, kur dhe mbushen plot 6 muaj që kur ishte për herë të fundit në parlament.

Ahmetaj vijon të jetë deputet, por pas 6 muajve mungesë, Kushtetuta detyron ndërprerjen e mandatit.

Sipas Kushtetutës, konkretisht nenit 71, pika 2, germa d, mandati i deputetit mbaron ose është i pavlefshëm kur mungon 6 muaj rresht në Kuvend. Hera e fundit që Ahmetaj është shfaqur në Kuvend është seanca e 6 korrikut, vetëm 7 ditë para se të votohej po në Kuvend dhënia e autorizimit për arrestimin e tij.

Sipas përllogaritjeve, është 6 janari dita kur mbushen ekzaktësisht 6 muaj nga mungesa e Ahmetajt në Kuvend, çka do të sillte automatikisht humbjen e mandatit.

Pasi të kthehen nga pushimet, Kuvendi do të duhet të konstatojë pavlefshmërinë e mandatit dhe të njoftojë KQZ-në me vakancën, ndërsa institucioni i zgjedhjeve të bëjë zëvendësimin sipas rezultateve të zgjedhjeve të 2021 në qarkun e Tiranës, aty ku Ahmetaj u zgjodh deputet me 11.287, duke u renditur në top listën e 5 më të votuarve të PS në këtë qark.

Sipas renditjes së kandidatëve të PS-së për Qarkun Tiranë, mandatin e Ahmetaj do duhet ta marrë Dallëndyshe Bici, e cila nga vota preferenciale fitoi 4977 vota dhe u rendit e 21-ta në listën e kandidatëve të PS për Tiranën.

Kujtojmë se mbi Arben Ahmetajn rëndojnë akuzat për korrupsion, pastrim parash dhe fshehje pasurie, në lidhje me skandalin e inceneratorëve. Më 20 korrik, SPAK lëshoi urdhër arresti për të, ndërsa disa ditë më vonë u shpall në kërkim ndërkombëtar./ CNA





Lajmet e fundit nga