web counter
LEXO PA REKLAMA!

SHKARKO APP

App Store
Google Play

E fundit!

x

Berisha prononcim për "Bild" pas vendimit të GJKKO-së, mesazhi për Ramën

3 Janar 2024, 13:30, Politikë CNA
Berisha prononcim për "Bild" pas vendimit të GJKKO-së,
Sali Berisha

Pavarësisht "arrestit në shtëpi" dhe bllokimit të komunikimit, media prestigjioze gjermane "Bild" ka arritur të marrë një prononcim nga ish-kryeministri Sali Berisha. 

Ish-kryeministri është shprehur për "BILD": “Ndihem shumë i motivuar për të udhëhequr një luftë të suksesshme kundër diktaturës së dytë në tridhjetë e dy vjet në vendin tim. Këtë herë është një shtet droge, një diktaturë mafioze.”

Më tej në artikull nënvizohet se Berisha e konsideron Ramën personalisht përgjegjës për futjen e tij në listën e sanksioneve të SHBA-së – me informacione të rreme dhe ryshfet.

"Rama e mohon këtë prej muajsh. Rasti është objekt i një skandali korrupsioni në SHBA: ish-shefi i FBI-së i New Yorker-it thuhet se ka marrë para dhe një licencë nafte nga Tirana", shkruan media gjermane.

Vendimi për Sali Berishën: 

Në vendin e GJKKO-së, e cila mban firmën e gjyqtares Irena Gjoka, theksohet se ndaj Berishës është vendosur masa e sigurisë "arrest shtëpi" për akuzën "Korrupsioni pasiv i funksionarëve të lartë shtetërorë ose të zgjedhurve vendorë". 

Sipas vendimit, Berisha nuk duhet të largohet nga banesa dhe të mos komunikojë me persona të tjerë përveç atyre që bashkëjetojnë në të njëjtën shtëpi me të.

Për ekzekutimin e vendimit ndaj Berishës ngarkohen prokurorët Arben Kraja dhe Enkeleda Millonai.

Avokatët e Berishës kanë pasur mundësi që brenda 5 ditëve të bëjnë ankimim në Gjykatën e Posaçme për vendimin e dhënë nga Gjoka./CNA 

 

 





Lajmet e fundit nga