web counter
LEXO PA REKLAMA!

SHKARKO APP

App Store
Google Play

E fundit!

x

Vjeshta e nxehtë e opozitës në Kuvend

1 Janar 2024, 20:00, Politikë CNA

Vjeshta e nxehtë e opozitës në Kuvend

Nisja e sesionit të ri parlamentar në shtator i gjeti demokratët sërish të ndarë. Palët brenda opozitës nuk njihnin njëra-tjetrën dhe për pasojë fjala në Kuvend kërkohej nga secili grupim, me pretendimin që zotëron shumicën. Kuvendi me në krye Lindita Nikollën nuk ka njohur grupin e Berishës si grup parlamentar e për rrjedhojë i ka kushtëzuar në minutazh, çka më pas ka sjell edhe debate e ndërprerje të seancave .

Duke nisur nga 5 tetori opozita ka tentuar të bllokojë çdo mbledhje të parlamentit, por kjo nuk e ka ndalur hovin e papërmbajtshëm të qeverisë të votojë nismat ligjore, deputetët demokratë kanë mundur të bllokojnë vetëm ligjet që kërkojnë më shumë vota sesa ka mazhoranca socialiste, ligjet me 84 vota. "Mosbindja civile" ose aksioni opozitar bëri që seancat parlamentare të ishin të shkurtra, duke thyer rekord më 20 nëntor. Seanca zgjati vetëm 5 minuta. Socialistët votuan me "vrap" 6 ligje, ndërkohë që salla ishte e mbuluar nga tymi i flakadanëve dhe një nga pajisjet e votimit mori flakë. Në pak minuta, si kurrë më parë, mazhoranca miratoi me 73 vota 6 projektligje, mes tyre edhe buxhetin në parim. 

Pas betejës në seancat plenare deputetët e opozitës e shtrinë aksionin e tyre edhe në Komisionet parlamentare. Në momentet kur nuk u lejuan të futeshin në ambientet e Kryesisë së Kuvendit për të marrë pjesë, pasi disa ishin të përjashtuar nga punimet, ata zgjodhën të futeshin nga dritaret.

Komisionet Parlamentare filluan të mbaheshin “online”, pa praninë e deputetëve të opozitës./ CNA





Lajmet e fundit nga