web counter
LEXO PA REKLAMA!

SHKARKO APP

App Store
Google Play

E fundit!

x

"2023, viti i i arritjeve"/ Rama tregon muajin kur do rriten pagat në administratë

30 Dhjetor 2023, 12:08, Politikë CNA

"2023, viti i i arritjeve"/ Rama tregon muajin kur do rriten pagat

Kryeministri Edi Rama në konferencën e fundviti, u shpreh se 2023 është viti më i mirë, sa i përket arritjeve në çdo fushë. Ai tha se rritja ekonomike ka qenë afro 4%, si dhe ka rënë papunësia. 

"Në këtë konferencë mund të them me plot gojë se ndihem më mirë se asnjë vit më parë, si rezultat i vitit që po mbyllim. Ka qenë viti më i mirë për Shqipërinë në çdo aspekt. Duhet të punojmë për arritje të mëtejshme. 2023, viti më i mirë në aspektin e sigurisë, shërbimeve publike, të investimeve publike dhe të investimeve të huaja të drejtpërdrejta. Ky vit do të mbyllet me një rritje ekonomike që e tejkalon ndjeshëm çdo parashikim të bërë. Shifra përfundimtare afro 4%, 3.7.3.8%. Vetëm nga turizimi në 9 mujorin e parë, kemi përfituar 3.2 mld euro të hyra. Ka rënë papunësia reale. Sot jemi me një papunësi që është më e ulta, 10%. Investimet e huaja direkte kanë arritur një vlerë mbi 1 miliardë euro.", u shpreh Rama. 

Kreu i qeverisë u shpreh se në vitin 2024 do të rritje të pagave për punonjësit e administratës që do të nisë në muajin qershor. 

"Pagat do të rriten sërish në qershor të 2024, janë parashikuar në buxhet. Arsimtarët, ushtarakët, punonjësit e policisë, mjekët dhe të gjithë punonjësit e administratës do të kenë një rritje ku paga mesatare do të shkojë në 900 eruo", u shpreh Rama./CNA 





Lajmet e fundit nga