E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Këlliçi, thirrje SPAK-ut: Mos lejoni Veliajn të vjedhë miliona euro nga buxheti i shtetit

28 Dhjetor 2023, 13:39, Politikë CNA

Këlliçi, thirrje SPAK-ut: Mos lejoni Veliajn të vjedhë

Belind Këlliçi

Anëtari i Kryesisë së PD-së, Belind Këlliçi, në deklaratë për mediat i ka bërë thirrje SPAK-ut që të mos lejojë kryetarin e Bashkisë Tiranë, Erion Veliaj, që të vjedhë miliona euro nga buxheti i shtetit.

Këlliçi publikoi dokumentet që tregonin se Autoriteti Kontraktor për Inceneratorin e Tiranës, pra Ministria e Infrastrukturës dhe Energjisë, për vitin 2024, 2025 dhe 2026, ka parashikuar për secilin vit shifrën prej 12.7 milionë euro për inceneratorin e Tiranës.

Ai u shpreh se dokumentet do të dorëzohen në SPAK dhe kërkoi që hetimi të jetë i plotë e të merren masa.

Deklarata e plotë e Këlliçit:

Jemi sot serish para jush për te vazhduar denoncimin me fakte te pakontestueshme, me dokumente zyrtare te vete shtetit Shqiptar, konkretisht Bashkisë Tiranë dhe Ministrisë se Infrastrukturës dhe Energjisë. Fotoja qe shihni ne ekran, është pjese nga relacioni i paraqitur për miratimin e buxhetit te vitit 2024 te Bashkisë Tirane, buxhet i cili u miratua ne kohe rekord nga Erion Veliaj, ne vetëm 4 minuta, duke ndaluar çdo diskutim, çdo pyetje dhe çdo kërkese informacioni, te cilat do te bënin transparencën e duhur për qytetaret e Tiranes.

Pra, te nderuar qytetare, Erion Veliaj, ka deklaruar ne këtë dokument ligjor se Ministria e Infrastrukturës dhe Energjisë, ne rolin e saj si Autoriteti Kontraktor i kontratës koncensionare te Inceneratorit te Tiranes, nuk ka parashikuar fonde për Bashkine e Tiranes, për vitin 2024, 2025, 2026, për ketë koncesion. Por e vërteta qëndron krejt ndryshe. Ne foton qe shihni ne ekran, e cila është pjese e relacionit për miratimin e buxhetit te shtetit per vitin 2024, tregohet fare qarte se Autoriteti Kontraktor per Inceneratorin e Tiranes, pra Ministria e Infrastrukturës dhe Energjisë, për vitin 2024, 2025 dhe 2026, ka parashikuar për secilin vit shifrën prej 12.7 milionë euro për këtë koncesion.

Pyetja qe shtrohet sot është: Kush është halli i Erion Veliajt qe arrin te falsifikoje dokumente ligjore te shtetit? Kush është halli i Erion Veliajt qe mashtron zyrtarisht këshilltaret bashkiake te Tiranes, duke i dhëne edhe rreth 12 milionë euro te tjera inceneratorit fantazme te Tiranes? Dua sot përsëri ti bej thirrje publike Prokurorisë se Posaçme te Luftës Kundër Korrupsionit dhe ne mënyre te veçante prokurorit Dritan Premci, se me mos veprimet dhe mos hetimet e tij, po lejon qe Erion Veliaj te vazhdoje te vjedhë buxhetin e shtetit, madje ne një akt te paprecedente, duke e falsifikuar atë.

Nëse deri dje nuk e shqiptonin apo lexonin dot emrin dhe firmën e Erion Veliajt, me këto dokumente ne do te sigurohemi qe kjo verbëri e drejtësisë te marre fund. Sikundër kemi vepruar edhe ne rastet e tjera, këto dokumente dhe informacione te tjera te detajuara teknike, do t’i përcjellim zyrtarisht pranë SPAK, drejtuar vete z. Altin Dumani.