web counter
LEXO PA REKLAMA!

SHKARKO APP

App Store
Google Play

Ping pongu me "Vulën"/ Berisha: Gjykata e Lartë s’u ngrit në lartësinë e misionit të saj

27 Dhjetor 2023, 14:05, Politikë CNA
Ping pongu me "Vulën"/ Berisha: Gjykata e Lartë s’u
Sali Berisha

Ish-kryeministri Sali Berisha u pyet sot nga gazetarët në lidhje me vendin e Gjykatës së Lartë për vulën e PD-së. 

Berisha theksoi se Gjykata e Lartë nuk mund të merrte një vendim tjetër, përveçse njohjen përfundimtare të vendimit të Shkallës së Parë.

Ai theksoi se ky institucion nuk u ngrit në lartësinë e misionit të saj, pasi duhet të rrëzonte përfundimisht vendimin e Apelit për këtë çështje. 


"Thjesht, vendimi i Gjykatës së Lartë. Gjykata e Lartë nuk u ngrit në lartësinë e misionit të saj që të rrëzojë përfundimisht vendimin e Apelit. Aktualisht në fuqi është vendimi i Shkallës së Parë, sepse Gjykata e Lartë nuk e çoi për rigjykim në Shkallën e parë, por e çoi për rigjykim në Apel, duke marrë një vendim disiplinues ndaj treshes që mori atë vendim, duke kërkuar që të mos e gjykojë më ajo, për arsye të cilat duhet lexuar vendimi.
Pra, kthehemi siç kemi qenë në fillim, kur vendosi Gjykata e Faktit. Ky është realiteti. Çdo interpretim tjetër është krejtësisht i gabuar. Gjykata e Lartë nuk mund të merrte vendim, nëse do gjykonte në lartësi, përveçse njohjen përfundimtare të Gjykatës së Faktit. Pse e them këtë? Vetë Gjykata e Lartë ka disiplinuar, se ky quhet disiplinim, sepse të të përjashtojë nga e drejta e rigjykimit, ajo normalisht po të mos kishte probleme të rënda, i takonte ta gjykonte e njëjta trupë, por fakti që u detyrua të përjashtojë trupën dhe pastaj, pra kaq skandaloze ishte gjendja aty në vendim, kaq skandaloze ishte saqë nuk mund të përtypej në asnjë mënyrë dhe u detyrua ta kthejë me një trupë tjetër. Në një kohë kur vendimi i vetëm jashtë diktatit të Edi Ramës, do ishte që të lihet në fuqi vendimi i Shkallës së Parë, i cili është në fuqi, por është në fuqi gjersa të gjykohet, që të mos bëjmë interpretime.
Të dyshosh tani që Gjykata e Lartë nuk kontrollohet nga Edi Rama, tani mos e pyet", u shpreh Berisha./CNA 





Lajmet e fundit nga