web counter
LEXO PA REKLAMA!

SHKARKO APP

App Store
Google Play

Kërkesa e SPAK për arrestimin e Berishës/ Ish-ministri: Rama ka interes ta izolojë

28 Dhjetor 2023, 18:55, Politikë CNA
Kërkesa e SPAK për arrestimin e Berishës/ Ish-ministri: Rama ka
Ish kryeministri Sali Berisha

Ish-ministri Aldo Bumçi ka deklaruar se kërkesa e SPAK për ashpërsimin e masave për ish-kryeministrin Sali Berisha është një lëvizje e Ramës.

Sipas Bumçit, Rama është ai që kërkon të izolojë dhe të mos lejojë komunikimin e ish kryeministrit Sali Berisha.

Ndërsa nuk kurseu as SPAK, duke thënë se është një vegël e Ramës.

 “Dalja jashtë shtetit është një lloj kufizimi. Norma kushtetuese ekziston. Kjo normë është zbatuar në çdo rast. Marrim rastin e Saimir Tahirit. Norma është e shkruar, e zbatuar. Prokuroria kishte dy alternativa për të zbatuar normën. E para t’i drejtohej Kuvendit që të ndryshonte normën, por kanë frikë se largohen, si në rastin e Ahmetajt.

Apo t’i drejtohet GJK dhe të thotë se norma është e saktë, por zbatimi i gabuar. Po pala tjetër që shikojnë një normë të shkruar dhe zbatuar, nuk është në të drejtën e saj? Kërkesa e SPAK është kërkesa e Edi Ramës. Sepse e ka nxjerrë veten lakuriq për të goditur opozitën. SPAK mund të hetojë Berishën 24 orë në ditë, mund ta thërrasë çdo ditë Berishën për hetim dhe ai do të shkojë.

SPAK nuk e ka thirrur asnjëherë Berishën për ta hetuar. Pse SPAK ka dalë lakuriq një vegël e Edi Ramës. Nuk ka kufizime për hetime në Shqipëri që nga viti 2012. Pse kërkojnë mos-komunikim politik? Vetëm Rama ka interes për moskomunikim politik. Kush ka interes që të izolohet kryetari i opozitës? Ka interes Rama ta izolojë dhe të mos komunikojë”, tha Bumçi./ CNA





Lajmet e fundit nga