web counter
LEXO PA REKLAMA!

SHKARKO APP

App Store
Google Play

E fundit!

x

Vokshi: Jemi zyrtarisht në diktaturë, vendimi për Berishën pa fakte e prova

30 Dhjetor 2023, 19:04, Politikë CNA
Vokshi: Jemi zyrtarisht në diktaturë, vendimi për Berishën
Deputetja Albana Vokshi

Deputetja Albana Vokshi ka reaguar për vendimin e GJKKO-së për të forcuar masën e sigurisë ndaj ish-kryeministrit Sali Berisha.

Në një intervistë televizive, Vokshi tha se vendi ka hyrë sot zyrtarisht në diktaturë, pasi pretendon se GJKKO nuk ka asnjë fakt dhe asnjë provë.

Ajo pretendon se kryeministri Edi Rama ka nisur prej vitesh një përndjekje politike ndaj Berishës dhe e mbylli sot me arrestin e shtëpisë.

“Ne e dinim që Edi Rama do t’i shkonte deri në fund asaj ç’ka ka planifikuar prej vitesh. Është një përndjekje politike që i ka bërë liderit të opozitës prej shumë vitesh duke përdorur të gjitha pushtetet që tashmë ai i zotëron. Qartazi duket që i zotëron të gjitha, edhe atë që i thonë Drejtësia e Re, të cilat me veprimet e fundit për fat të keq i kanë treguar shqiptarëve që jo vetëm nuk ka drejtësi të re por përkundrazi, me të gjitha vendimet të cilat janë marrë qoftë nga SPAK, qoftë nga gjykatat speciale të cilat u ngritë me një pritshmëri shumë të madhe nga publiku shqiptar për të vënë drejtës. Me vendimet e fundit ndaj liderit të opozitës, ku nuk ka asnjë fakt, asnjë provë, asnjë akuzë dhe merret vendimi për ta arrestuar.

Çfarë emri duhet t’i vesh një vendi që arreston liderin e opozitës? Që të gjitha pushtetet i zotëron një person, përfshirë edhe drejtësinë? Çfarë emri t’i vesh një vendi ku Gjykata Kushtetuese nuk kryen funksionin e saj kushtetues për të interpretuar konfliktin apo marrjen e kompetencave të parlamentit.  Nuk ka një emër tjetër përveçse diktaturë. Zyrtarisht jemi në diktaturë.”, theksoi ajo./ CNA





Lajmet e fundit nga