web counter
LEXO PA REKLAMA!

SHKARKO APP

App Store
Google Play

E fundit!

x

Balla publikon shifrat: Kemi goditur 71 grupe kriminale, sekuestruar 85 kilogramë kokainë dhe heroinë

4 Janar 2024, 12:20, Politikë CNA
Balla publikon shifrat: Kemi goditur 71 grupe kriminale, sekuestruar 85
Taulant Balla

Ministri i Brendshëm, Taulant Balla, u shpreh gjatë analizës vjetore të Ministrisë së Brendshme se janë goditur me dhjetëra grupe kriminale, si dhe janë arrestuar me dhjetëra persona. 

Balla u shpreh se janë goditur 71 grupe kriminale, si dhe janë sekuestruar 4 tonë kanabis, 62 kliogramë heroinë dhe 23 kligramë kokainë. 

"Janë zbuluar 488 vjedhje. Për sa i përket indeksit evropian mbi kriminalitetin dua të ndaj me ju lajmin e mirë se Shqipëria po na garanton shkolla edhe komunitete me të sigurta. Janë goditur nga "Tempulli" 24 grupe kriminale. Do ta forçojmë me ligj paketën e sigurisë në shkolla. Kemi bllokuar me ligj shitjen e shpërndarjen e tallumbaceve me azot. Operacioni kombëtar "Sundimi i Ligjit", janë goditur 19 grupe kriminale, dhe janë çuar para drejtësisë 357 shtetas. Gjatë 2023 janë sekuestruar 797 armë, 8 mina me telekomandë, 300 kilogramë lëndë plasëse. Kemi goditur 28 grupe kriminale për kultivim të lëndëve narkotike, 273 shtetas të ndaluar. Në total janë sekuestruar 4 tonë kanabis, 62 kliogramë heroinë dhe 23 kligramë kokainë. 5 grupe kriminale në fushën e krimeve ekonimike, në fushën e krimeve kompjuterike janë goditur 2 grupe kriminale ", u shpreh Balla.

Gjatë fjalës së tij, Balla nënvizoi se ka një rënie të numrit të vrasjeve kriminale. 

Sipas tij 35 vrasje u shënuan në 2023 ndërkohë që në 2013 ka pasur 107 vrasje. Ministri i Brendshëm shtoi se janë parandaluar nga policia 67 ngjarje të rënda kriminale./CNA 





Lajmet e fundit nga