web counter
LEXO PA REKLAMA!

SHKARKO APP

App Store
Google Play

E fundit!

x

DOKUMENTET/ Zbulohet kontrata mes Zotos dhe Veliajt, 12 mjete i mori Policia Bashkiake

5 Janar 2024, 13:59, Politikë CNA
DOKUMENTET/ Zbulohet kontrata mes Zotos dhe Veliajt, 12 mjete i mori Policia
Erion Veliaj

Anëtari i Kryesisë së Partisë Demokratike, Belind Këlliçi, ka publikuar sot fakte të reja në lidhje me aferën e inceneratorit të Tiranës. 

Këlliçi denoncon se në muajin prill të 2020-ës, nëpërmjet kompanisë "INTEGRATED ENERGY BV SPV" dhe Erion Veliajt, është lidhur një kontratë hua përdorje për 12 mjete. Sipas kontratës, 12 mjetet do të përdoreshin nga Policia Bashkiake pas situatës së vështirë të krijuar me pandeminë COVID-19.

Këlliçi nënvizon se këto mjete janë ende në përdorim të Policisë Bashkiake dhe i kushtojnë kompanisë 80 mijë euro në vit. Ish-deputeti paralajmëron më tej se do të bëjnë padi në SPAK ndaj Erion Veliajt për këtë aferë korruptive. 

"Pyetja që i drejtojmë sot SPAK-ut, e nesër do t'ia përcjellim zyrtarisht është: Me kë komunikoi Klodian Zoto në Bashkinë Tiranë? Me “lalin” si në rastin e çerdhes 1 milion dollarë që ia bëri dhuratë për zgjedhjet e 2019, apo me Veliajn, i cili firmosi angazhimin financiar të Bashkisë Tiranë, pa pyetur as Këshillin Bashkiak dhe as shokët e qarkut, në vitin 2017, duke e futur Bashkinë Tiranë në një angazhim financiar qindra miliona eurosh për 30 vite me radhë?", shprehet Këlliçi. 

Deklarata e plotë: 

Sot po ju paraqesim dokumente dhe fakte të reja, të cilat vërtetojnë katërcipërisht se si Inceneratori fantazmë i Tiranës, vihet në dispozicion të pronarit real të saj, Kryetarit të Bashkisë Tiranë, Erion Veliaj. 

Në datën 15.04.2020 me nr.12619 prot., nëpërmjetkompanisë INTEGRATED ENERGY BV SPV dhe kryebashkiakut ERION VELIAJ, lidhet një kontratë hua-përdorje për 12 mjete të cilat do të përdoren nga Policia Bashkiake pas situatës së vështirë të krijuar me pandeminë Covid-19.

Në kontratë palët shprehen se këto mjete janë në pronësi të kompanisë INTEGRATED ENERGY BV SPV sipas të dhënave të lejeve të qarkullimit të tyre sipas Aneksit numër 1 bashkëlidhur kësaj kontrate.

Kjo kontratë është amenduar në datën 15.10.2020 dhe 15.10.2021 e në vijim.

Ende sot këto mjete janë në përdorim të Policisë Bashkiake.

Këto mjete i kushtojnë Integrated Energy BV SPV 80.000 euro çdo vit. Pra deri më sot, për dhunimin sistematik të shitësve ambulantë, për gjobvënien e përditshme ndaj qytetarëve të Tiranës, që kanë frikë të kthejnë kokën nga një anë, pasi të vjen gjoba nga Policia Bashkiake e Erion Veliajt, janë paguar mbi 300.000 euro, para të cilat buxheti i shtetit i jep për investimin dhe ndërtimin e Inceneratorit, që ende sot nuk ekziston. 

Ndërkohë në e-mailin që mban datën 6 prill, 2020, ora 22.41 minuta, Mirela Veli, Drejtoreshë në Bashkinë Tiranë, i drejtohet Administratores në letra të Inceneratorit të Tiranës, duke i nisur draft kontratën që ju treguam pak më parë. 

Ditën e nesërme, më datë 7 prill, 2020, ora 11.48, ky e-mail i përcillet Klodian Zotos, ku i kërkohet informacion nëse duhet të bëhet ndonjë koment, pasi nuk Administratori nuk e dinte për çfarë Klodian Zoto kishte rënë dakord kur kishte bërë biseda me Bashkinë Tiranë në lidhje me këtë çështje. 

Pyetja që i drejtojmë sot SPAK-ut, e nesër do ia përcjellim zyrtarisht është: Me kë komunikoi Klodian Zoto në Bashkinë Tiranë? Me “lalin” si në rastin e çerdhes 1 milionë dollarë që ia bëri dhuratë për zgjedhjet e 2019, apo me Veliajn i cili firmosi angazhimin financiar të Bashkisë Tiranë, pa pyetur as Këshillin Bashkiak dhe as shokët e qarkut, në vitin 2017, duke e futur Bashkinë Tiranë në një angazhim financiar qindra miliona eurosh për 30 vite me rradhë?

Për këto fakte të reja dhe të tjera që do të nxjerrim lidhur me këtë çështje në ditët në vijim, pasi ku ka Veliaj firmë, ka dhe një drejtor që i përfiton këto para, do t’i drejtohemi sërish SPAK, por këtë herë me një kallëzim penal të drejtpërdrejtë për Erion Veliajn. 

Nëse Rama dhe Veliaj mendojnë se me burgosjen e Kryetarit të Opozitës, do të shuajnë zërin e saj, unë jam sot përpara jush për t’i kujtuar dhe njëherë ata, se zëri ynë është i fortë, Partia Demokratike është në këmbë dhe çdo ditë e më shumë ne do të vijojmë betejën tonë pa kthim, për largimin një orë e më parë të kësaj dyshe që ka shënuar rekorde botërore korrupsioni dhe kriminale./CNA 

 





Lajmet e fundit nga