web counter
LEXO PA REKLAMA!

SHKARKO APP

App Store
Google Play

E fundit!

x

Rrugët që përfundojnë në 2024

8 Janar 2024, 12:19, Politikë CNA
Rrugët që përfundojnë në 2024
Belinda Balluku

Në analizën vjetore të Ministrisë së Infrastrukturës dhe Energjisë, ministrja, njëkohësisht zv/kryeministre, Belinda Balluku, bëri një pasqyrë të akseve rrugore, të cilat pritet të dorëzohen përgjatë vitit 2024.

Balluku tha se dorëzimi i Tunelit të Llogarasë do të bëhet në fillim të sezonit veror të vitit 2024, më 30 qershor. Ndërsa për aksin Thumanë-Kashar ajo tha se do të futet në funksion gjatë verës të vitit 2023. 

“Në 2024 do të shënojë dy momente të rëndësishme; dorëzimin e Tunelit të Llogarasë, që ka qenë një ëndërr për shumë qeveri të mëparshme, por që u realizua nga qeveria Rama. Do të përfundojë  dhe do hapet në fillim të sezonit veror të 2024, ka qenë proces i gjatë, por i mirëstudiuar. Ka pasur sfida për sa i përket gjeologjisë, por ka pasur gjeologji të qëndrueshme dhe nuk kemi ndaluar nga kalendari. Në 30 qershor 2024 vepra do të dorëzohet. Një lajm tjetër i mirë, kemi nisur vitin me një inspektim në aksin Thumanë-Kashar. Është kërkuar edhe nga kompania koncesionare që të vijohet dhe të dorëzohet sa më parë. Thumanë-Kashar do të futet në funksion gjashtë verës 2024. Një kalvar i gjatë përfundon në 2024, që mund ta themi këtë dhe ta garantojmë, se ka qenë një gëzim i madh për MIE, por edhe për të gjithë shqiptarët që aksesojnë zonën e Dibrës, që në 26 dhjetor kemi përfunduar gërmimet në Tunelin e Murrizit. Unë e kam ndjekur atë proces nga maji i 2019. Nuk është harxhuar asnjë qindarkë nga buxheti i shtetit për të mbështetur vonesat për Rrugën e Arbrit. Në dhjetor të 2024, ndoshta dhe më shpejt, me përfundimin e tunelit të Murrizit ku janë hedhur qindra tonë hekur për ta mbajtur dhe garantuar atë, Rruga e Arbrit do të përfundojë”, tha ajo.

Më tej Balluku nënvizoi se Unaza e Madhe e Tiranës do të përfundojë në dhjetor të vitit 2024. Ajo nënvizoi se fazat e para të Korridorit 8 do të dorëzohen. Sipas saj janë drejt përfundimit akset Orikum-Dukat, Palasë-Dhërmi, rruga që lidh aeroportin e Vlorës me autostradën Fier-Vlorë, aksi Qafa e Buallit – Martanesh dhe rruga Korçë-Ersekë. 

“Unaza e madhe e Tiranës do të përthithë të gjithë trafikun qe vjen nga autostradat, përfundon edhe ajo në dhjetor 2024. Turistëve nuk do t'u duhet të kalojnë qytetin mes për mes, por duke përdorur këtë unazë të madhe, mund të aksesojnë pika të ndryshme. Fazat e para të Korridorit 8 do të dorëzohen, përfundojmë edhe me lidhjet Orikum-Dukat. Palasë-Dhërmi është thuajse e përfunduar. Korçë-Ersekë po ashtu është drejt fundit, Qafa e Buallit – Martanesh, një rrugë e kërkuar nga banorët do të dorëzohet edhe ajo. Rruga që lidh aeroportin e Vlorës me autostradën Fier-Vlorë, është një tjetër aks që dorëzohet. Në 2024 nisim fazën e kolaudimit për aeroportin e Vlorës. Të gjithë këto kanë edhe një element inovativ që dorëzohet gjatë 2024, qendra e monitorimit të trafikut. Monitorimi do përbëhet edhe nga Urgjencat, Emergjencat Civile, Policia e Shtetit dhe shumë trupa të tjerë. Kjo qendër do kryejë edhe një nga funksionet e reja që do jetë në akset e funksionit të pagesës.” - tha Balluku./CNA 

 





Lajmet e fundit nga