web counter
LEXO PA REKLAMA!

SHKARKO APP

App Store
Google Play

Aeroporti i Vlorës/ Balluku: Fluturimet nisin në 2025, sfida e vetme që kemi

8 Janar 2024, 11:55, Politikë CNA
Aeroporti i Vlorës/ Balluku: Fluturimet nisin në 2025, sfida e vetme
Belinda Balluku

Në një konferencë për mediat, teksa po tregon analizën vjetore të punës të vitit 2023, ministrja e Infraksturkturës, Belinda Balluku, tha se në vitin 2025 nisin fluturimet e para nga aeroporti i Vlorës. 

"Nga ana tjetër, presim aeroportin ndërkombëtar të Vlorës është në 32% të totalit të punimeve. Të gjitha pjesët më të rëndësishme, që mbajnë pjesën më të rëndë të ndërtimit kanë ecuri të mirë. Në përfundim të 2024 dorëzojmë aeroportin në mënyrë që të nisin operimet në ‘hije’ për të kolauduar të gjitha proceset e punës. Me shpresë, në pranverë të 2025 të kemi fluturimet e para nga aeroporti i Vlorës, nuk është sezonal, por ndërkombëtar. Jemi të sigurtë që me rrjetin e ri hekurudhor dhe rrugor shqiptarët do kenë të drejtën e zgjedhjes, duke zgjedhur orarin, por edhe çmimin e biletës", u shpreh ajo. 

Në analizën vjetore, zv/kryeministrja tha se Rinasi ka arritur të përpunojë 7 mln pasagjerë përgjatë 2023-shit. 

“Aviacioni Civil, kemi arritur të dizajnojmë të ardhme të sigurtë që ka dalë jashtë parashikimeve tona. E ndjekim me kënaqësi një zhvillim të jashtëzakonshëm. Rinasi ka arritur të përpunojë 7 mln pasagjerë, sfidë që kërkon investime të mëtejshme, që po bëhen është rasti i pistës për fluturime transoqeanike", u shpreh ajo. 

Gjatë fjalës së saj ajo thekson se Aviacioni Civil ka një sfidë tjetër, atë të burimeve njerëzore.

"Sot i kemi të gjitha burimet njerëzore në Tiranë, po kërkojmë të kemi kapacitete të ngjashme në Vlorë. Kemi nisur një punë më Albcontrol për ngritjen e kapaciteteve të para në aeroportin e Vlorës", tha ajo./CNA 





Lajmet e fundit nga